Выканаўцу легендарнага хіта «Gangnam Style» затрымала паліцыя

Прадстаўнікі PSY ўжо адрэагавалі на інцыдэнт.

Паўднёвакарэйскага рэпера PSY, які стаў вядомым дзякуючы хіту 2012 года «Gangnam Style», затрымала паліцыя.

Як піша выданне The Times, паліцыя Сеула пачала расследаванне, бо артыста падазраюць у парушэнні закона аб ахове здароўя. Адзначаецца, што 47-гадовы мужчына ўжо тры гады праз трэціх асоб, у тым ліку свайго мэнэджара, атрымлівае рэцэпты на вядомыя псіхатропныя прэпараты. Такія лекі прызначаюцца для пераадолення бессані і дэпрэсіі. Аднак сам спявак ні разу не наведваў медыцынскую ўстанову.

Дарэчы, пасля абвінавачання праваахоўнікі правялі ператрус у шпіталі, які даваў яму прэпараты і канфіскавалі адпаведныя запісы. Лекар выканаўцы ўсе абвінавачанні адмаўляе.

Рэакцыя прадстаўніка PSY

Агенцтва P Nation, заснаванае самім рэперам, адрэагавала на інцыдэнт. Прадстаўнікі адзначылі, што рэпер PSY сапраўды пакутуе на хранічныя праблемы са сном і прымае снатворныя выключна на прызначэнне лекара.

Што вядома аб PSY

Рэпер PSY, сапраўднае імя якога Пак Чэ Сан, атрымаў вядомасць вірусным кліпам на трэк «Gangnam Style». Ён стаў рэкардсмэнам у гісторыі YouTube ў колькасці праглядаў: на гэты момант яго паглядзелі больш за 5 мільярдаў разоў. Таксама хіт узначаліў чарты больш чым у 30 краінах, напрыклад, у ЗША, Вялікай Брытаніі, Канадзе, Францыі і Нямеччыне і атрымаў узнагароду MTV Europe Music Award у намінацыі «Найлепшы вірусны хіт» 2012 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]