Politico: Еўропа загаварыла пра вайсковыя вучэнні ва Украіне
6- 30.08.2025, 10:13
- 4,286
Адзіная праблема палягае ў Вугоршчыне.
Большасць краін ЕЗ гатовыя да таго, каб навучаць украінскіх вайскоўцаў проста на тэрыторыі Украіны ў выпадку спынення агню, заявіла высокая прадстаўніца ЕЗ у замежных справах і палітыцы бяспекі Кая Калас.
«Я вітаю той факт, што сёння была выказаная шырокая падтрымка пашырэнню мандата [місіі вайсковай дапамогі ЕЗ у падтрымку Украіны], каб праводзіць навучанне і кансультацыі ўнутры Украіны пасля кожнага замірэння», - сказала яна журналістам пасля нефармальнай сустрэчы міністраў абароны ЕЗ у Капенгагене, паведамляе Politico.
Гэта стала б адным з унёскаў у сістэму еўрапейскіх гарантый бяспекі, накіраваных на тое, каб Украіна зноў не зазнала напад, адзначыла Калас. У рамках EUMAM 23 краіны ЕЗ плюс Нарвегія і Канада ўжо падрыхтавалі амаль 80 000 украінскіх жаўнераў. Аднак змена мандата місіі запатрабуе аднагалоснай пастановы ўсіх 27 сталіц блока, што дае Вугоршчыне права вета.
«Надзеі на магчымыя мірныя перамовы як мінімум наіўныя. Усё, што робіць Пуцін, - гэта цягне час, танна набывае паўзу, каб прадаўжаць забіваць людзей», - заявіла перад сустрэчай міністр абароны Літвы Давіле Шакалене.
Большасць міністраў абароны ЕЗ - за выключэннем Вугоршчыны - таксама намагаюць на выкарыстанні пакінутых 6,6 млрд еўраў неразмеркаваных сродкаў з Еўрапейскага фонду міру для фінансавання ўзбраенняў для Украіны. Будапешт ужо некалькі месяцаў блакуе выкарыстанне гэтых грошай.
Каб схіліць прэм'ер-міністра Вугоршчыны Віктара Орбана, хаўрусніка Дональда Трампа, грошы можна было б выкарыстоўваць для наўпроставых закупаў амерыканскай зброі для Украіны паводле новай схемы, узгодненай прэзідэнтам ЗША і супольнікамі па NATO, адзначыла Калас.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
