У Сызрані і Краснадары ў Расеі гараць расейскія НПЗ

Пасля нападу беспілотнікаў.

Уначы на 30 жніўня Расею масавана атакавалі беспілотнікі. Выбухі прагрымелі, прынамсі, у Самарскай і Краснадарскай абласцях, дзе пад удары патрапілі нафтаперапрацоўчыя заводы.

У выніку абстрэлу маштабныя пажары ўзняліся на тэрыторыі Сызранскага і Краснадарскага НПЗ. «Фокус» сабраў усё, што вядома аб начным нападзе на Расею.

Атака на Сызранскі НПЗ

Аб нападзе на Сызрань кіраўнік гарадской акругі Сяргей Валодчанкаў паведаміў блізу 04:20 гадзін. Паводле інфармацыі чыноўніка, на фоне атакі ў горадзе працавалі сістэмы апавяшчэння, мясцовых заклікалі не пакідаць без неабходнасці дамы.

Губернатар Самарскай вобласці Вячаслаў Фядорышчаў адзначыў пад раніцу, што беспілотнікі спрабавалі атакаваць прамысловае прадпрыемства ў Сызрані. Інфармацыі аб траплянні па НПЗ чыноўнік не раскрываў.

У той жа час у сацсетках распаўсюджваюць відэаролікі, на якіх бачна, як палае нафтаперапрацоўчы завод у Сызрані.

Атака на Краснадарскі НПЗ

Таксама ноччу каля 03:00 гадзінаў выбухі прагрымелі ў раёне Краснадарскага НПЗ, паведамілі мясцовыя каналы. Па афіцыйных паведамленнях мясцовых улад, на тэрыторыі Краснадарскага НПЗ палае тэхнічная ўстаноўка.

"З-за падзення абломкаў беспілотнікаў на тэрыторыі Краснадарскага НПЗ пашкоджана адна з тэхналагічных установак, адбыўся пажар на плошчы каля 300 квадратных метраў", – гаворыцца ў паведамленні.

Супрацоўнікаў НПЗ эвакуіравалі, інфармацыі аб пацярпелых з-за атакі беспілотнікаў на момант публікацыі не паступала.

Пад раніцу расійскае міністэрства абароны паведаміла, што ноччу над рэгіёнамі РФ нібыта было збіта 86 беспілотнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]