Зяленскі: Мы не хочам другога Будапешцкага мемарандума і менскіх пагадненняў

Украіна хоча юрыдычна замацаваных гарантый ад ЕЗ і ЗША.

Прэзідэнт Уладзімір Зяленскі заявіў, што Украіна хоча, каб гарантыі бяспекі ад краін Еўропы і Злучаных Штатаў Амерыкі былі юрыдычна замацаваныя. Украіне не патрэбны яшчэ адзін Будапешцкі мемарандум, сказаў Зяленскі падчас брыфінгу, які транслявала «Суспільне».

«Чаго мы хочам? Каб гэтыя гарантыі бяспекі ад ключавых краін Еўропы і ад ЗША былі падтрыманыя парламентамі і Кангрэсам...Мы не хочам другога Будапешцкага мемарандума, мы не хочам менскіх дамоваў. Мы хочам сур'ёзны дакумент», - сказаў прэзідэнт.

З яго слоў, Украіна прадставіць хаўруснікам вызначэнне базавых рэчаў наконт гарантый бяспекі. У той жа час Зяленскі не змог назваць даты, калі на наступным тыдні будзе адбывацца дыялог з хаўруснікамі наконт гэтых гарантый.

«Мы хочам спачатку пабудаваць інфраструктуру і разумець, якая будзе «харэаграфія» гэтага, і гэта вельмі важна», - сказаў Зяленскі.

Зяленскі таксама назваў тры ключавыя блокі гарантый бяспекі для Украіны, Першы блок тычыцца захавання цяперашняй колькасці войска. Другі блок тычыцца NATO - гаворка ідзе аб дамоўленасцях з партнёрамі на ўзроўні лідараў па іх гатоўнасці падтрымаць Украіну ў выпадку новай агрэсіі. Трэці блок - гэта санкцыі супраць Расеі і выкарыстанне замарожаных расейскіх актываў для аднаўлення дзяржавы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]