Пара, якая набыла дом за адну базавую, расказала, у якую суму насамрэч абыходзіцца такое жыллё

Толькі на электрычнасць пайшло больш за $800.

У апошнія гады нямала гісторый пра тое, як беларусы купілі дом за базавую велічыню. Цяпер гэта 42 рублі, або каля 14 долараў па курсе Нацбанка. Але што адбываецца з нерухомасцю потым?

Сямейная пара, якая набыла такое жыллё ў Лагойскім раёне, паказвае ў TikTok працэс ачышчэння ўчастка і аднаўлення дома. Вось што яны расказалі пра вываз смецця, правядзенне электрычнасці і іншыя выдаткі і выпрабаванні, без якіх немагчыма жыць у такім «базавым» доме, піша «Зеркало».

Пра куплю дома за адну базавую сямейная пара расказала на пачатку гэтага года. З-за таго, што «дом паміраў 15 гадоў», працы па навядзенні парадку там было шмат, але беларусы прызналіся, што не баяцца цяжкасцяў. Галоўнай перавагай для іх была блізкасць да прыроды — участак знаходзіцца проста каля лесу.

Набыццё нерухомасці стала толькі пачаткам, відаць, доўгай гісторыі ўпартай працы. З даволі буйных спраў сям'і трэба было расчысціць участак ад зараснікаў і паўразбураных пабудоў. Пасля таго як яны разабралі стары хлеў і прыбралі ўсё смецце з двара, утварылася некалькі куч розных адходаў, у тым ліку шмат гіпсакардону, старых шын, шыферу. Цэны за паслугі вывозу такога аб’ёму ламачча «розняцца аж у сем разоў», — кажа ціктокерка. Пры гэтым дапамога грузчыкаў, паводле яе слоў, каштуе ад 50 да 75 рублёў за гадзіну.

@chetvert.niovy Кошт вагаўся ад 380р да 2000р за адзін і той самы аб’ём смецця. Таму заўсёды шукайце варыянты. Магу падзяліцца кантактамі нашага аўтабота! Пішыце ў ЛС :) #домзаоднубазовую #домзабазовую #реставрация #беларусь🇧🇾 #жизньвдеревне #стройка #CapCut ♬ Boombap Type Beat Counter (Remastered 2024) - liuslz

Яна з мужам вырашылі зэканоміць і за дзве гадзіны самі нагрузілі машыну смеццем. За яе і вываз ламачча заплацілі 380 рублёў, яшчэ 50 — далі кіроўцу, які дапамог з пагрузкай.

У іншым роліку блогеры расказалі пра свой досвед падключэння электраэнергіі на ўчастку. На афармленне папер пайшло тры месяцы, а абышлося ўсё ў 2847 рублёў. «Плюс бензін на паездкі з Мінска ў Лагойск і назад (разоў 5–7)», — расказала ціктокерка. Пасля ўстаноўкі спліт-лічыльніка і афармлення ўсіх дакументаў сям’і трэба чакаць яшчэ два месяцы, калі дойдзе іх чарга на падключэнне. Пасля гэтага трэба даплаціць яшчэ 500 рублёў.

@chetvert.niovy Мы на фінішнай прамой. Дык што трэба для таго, каб падключыць святло з 0. 1. Звяртаецеся ў Адно акно Энергазбыту таго раёна, да якога адносіцца ваш населены пункт. Пішаце заяву на выдачу тэхнічных умоў. 2. Пасля атрымання тэхнічных умоў рыхтуеце праект у старонняй арганізацыі (у любой кампаніі, якая займаецца такімі паслугамі) 3. Пасля таго як праект гатовы, выконваеце мантажныя працы згодна з праектам і тэхнічнымі ўмовамі праз спецыяльныя арганізацыі або самастойна (не рэкамендуецца, калі вы не электрык) 4. Заказваеце ЭФІ 5. Са ўсімі ўжо наяўнымі дакументамі, уключаючы ЭФІ, едзяце ў Дзяржэнерганагляд таго раёна, да якога адносіцца ваш населены пункт, і пішаце заяву на праверку ўсяго намантаванага раней 6. Атрымліваеце акт і зноў ідзеце ў адно акно Энергазбыту пісаць заяву на ўстаноўку патрэбнага вам лічыльніка (залежыць ад таго, што прапісана ў тэхумовах) і на падключэнне вас як абанента 7. Чакаеце. 8. Святло гатова! Нашы выдаткі: 1. Праект на электразабеспячэнне пад будаўнічую пляцоўку — 100 рублёў 2. Матэрыялы і мантаж — 1427 рублёў 3. Спліт-лічыльнік — 1320 рублёў Разам: 2847 рублёў + бензін на паездкі з Мінска ў Лагойск і назад (разоў 5–7) #домзаоднубазовую #домзабазовую #реконструкциядома э#ремонтсвоимируками #CapCut ♬ Famous Mozart's Turkish March(872150) - East Valley Music

Гэтым летам пара таксама выклікала спецыяліста, каб дакладна вызначыць і аднавіць межы ўчастка. За паслугу заплацілі 200 рублёў.

@chetvert.niovy Яшчэ на крок бліжэй да мэты! У бліжэйшыя выхадныя мантуем святло! Нарэшце! Але гэта яшчэ той квэст... Раскажу ў наступных відэа. #домзаоднубазовую #беларусь🇧🇾 #домзабазовую #ремонтсвоимируками #реставрация #стройка #CapCut ♬ Violino Final Boss - KPOT O PAPI

Сям’я таксама расказала, што спачатку стан дома здаваўся плачэўным. Але брус «аказаўся амаль ідэальным». Тады новыя ўладальнікі вырашылі, нягледзячы на планы будаваць на ўчастку новы дом, пакуль не зносіць стары: «Паспрабуем зрабіць з яго аўтэнтычны арыгінальны дамок, які будзе служыць нам і нашым гасцям»."}

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]