Якім будзе надвор'е ў апошнія летнія выходныя

Прагноз на 30 жніўня - 1 верасня.

30 жніўня варункі надвор'я ў Беларусі будзе вызначаць цёплая паветраная маса, якая паступае з паўднёвага захаду Еўропы. Пераменная воблачнасць. Пераважна без ападкаў. Вецер паўднёвы сярэдні, удзень месцамі парывісты. Тэмпература паветра мінімальная ўначы +14..+20°С, максімальная ўдзень +27..+33°С. Атмасферны ціск істотна не зменіцца.

31 жніўня на фоне вобласці павышанага атмасфернага ціску чакаецца перамяшчэнне франтальнага падзелу з Заходняй Еўропы. Уначы пераменная воблачнасць, удзень воблачна з прасвятленнямі. Месцамі, пераважна ў заходняй палове краіны, пройдуць кароткачасовыя дажджы. Удзень у асобных раёнах з навальніцамі. Уначы і раніцай месцамі будзе згушчацца слабы туман. Вецер паўднёвы з пераходам на заходні сярэдні, пры навальніцах парывісты. Тэмпература паветра мінімальная ўначы +11..+18°С, максімальная ўдзень +25..+32°С, у заходніх і паўночна-заходніх раёнах Беларусі яна складзе +20..+24°С.

1 верасня ўначы захаваецца ўплыў франтальнага падзелу, які страчвае актыўнасць, удзень надвор'е будзе вызначаць вобласць павышанага атмасфернага ціску. Пераменная воблачнасць. Уначы ў асобных раёнах рэспублікі чакаюцца кароткачасовыя дажджы, магчымыя навальніцы; удзень пераважна без ападкаў. Уначы і раніцай месцамі слабы туман. Вецер уначы няўстойлівы, удзень паўночнай чвэрці сярэдні, удзень месцамі парывісты. Тэмпература паветра мінімальная ўначы +11..+17°С, максімальная ўдзень +20..+27°С, на поўдні краіны да +29°С.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]