ЗША пачалі масава дэпартаваць уцекачоў ад вайны расейцаў

Выслана ўжо амаль 100 чалавек.

ЗША дэпартавалі амаль 100 расейцаў- уцекачоў ад вайны з пачатку лета. Першую групу, у якую ўваходзілі прыкладна 40 чалавек, амерыканскія ўлады выслалі з краіны ў чэрвені, а другую — 27 жніўня, расказаў «Агенцтву» прэзідэнт Russian America for Democracy in Russia Дзмітрый Валуеў. Паводле яго, у другой групе было да 60 расейцаў. Іх спачатку даставілі на самалёце ў Каір, а ўжо адтуль на борце Egypt Air — у Маскву.

Валуеў удакладніў, што ЗША дэпартавалі расейцаў, якія апынуліся ў іміграцыйных турмах, саступілі ў судах аб выдачы прытулку або выбралі самадэпартацыю (гэта значыць надумалі вярнуцца на радзіму, не чакаючы суда). Пры гэтым сярод высланых у Расею было некалькі чалавек, якія асцерагаліся палітычнага пераследу ў Маскве. Са слоў знаёмага з ходам дэпартацыі крыніцы «агенцтва», у групе таксама знаходзіўся былы вайсковец, супраць якога завялі справу аб самавольным пакіданні часткі. Ён спрабаваў атрымаць прытулак у ЗША, але саступіў у судзе, удакладніў суразмоўца выдання.

Памежнікі, магчыма, ведалі пра тое, што рэйсам з Каіра прыляцелі дэпартаваныя з ЗША, кажа Валуеў. Паводле ягоных звестак, з людзьмі доўга гутарылі пры праходжанні мяжы, пасля чаго аднаго чалавека з групы затрымалі, а яшчэ блізу дзесяці адпусцілі пад падпіску аб нявыездзе. Пры гэтым у Каіры расейцы спрабавалі змяніць маршрут, каб не ляцець у Маскву, але былі збітыя супрацоўнікамі адной з егіпецкіх спецслужбаў. У выніку ўсіх пасадзілі на рэйс да Масквы, адзначыў Валуеў.

Актывіст нагадаў, што ЗША рэгулярна дэпартуюць расейцаў, але да гэтага іх не адпраўлялі такімі вялікімі групамі. Больш за тое, раней у высланых была магчымасць змяніць краіну прызначэння пры перасадцы і не ляцець назад у Маскву. Валуеў мяркуе, што найбліжэйшым часам можа рыхтавацца яшчэ адна масавая дэпартацыя расейцаў з ЗША.

Пасля поўнамаштабнага ўварвання расейскага войска ва Украіну дзясяткі тысяч расейцаў уцякалі ад вайны ў ЗША. Многія з іх траплялі ў краіну праз мексіканскую мяжу і прасілі прытулку. Ім выдавалі позву ў суд і пакідалі на волі. Аднак з траўня 2024 года расейцаў, якія звяртаюцца па прытулак, сталі змяшчаць у іміграцыйныя турмы, у якіх яны праводзяць у чаканні суда ад некалькіх месяцаў да года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]