«Магчыма, Трамп цяпер спрабуе перасягнуць Байдэна»

Вызваленне беларускіх палітвязняў было б вартым Нобэлеўскай прэміі.

Галоўная рэдактарка сайта Charter97.org Наталля Радзіна стала госцяй YouTube-канала вядомага журналіста Яўгена Кісялёва.

Адной з тэм размовы стаў званок прэзідэнта ЗША Дональда Трампа дыктатару Лукашэнку, які адбыўся 15 жніўня. Наталля Радзіна агучыла адну з версій, чаму кіраўнік Белага дома надумаў пагаварыць з беларускім кіраўніком:

- Частка экспэртаў мяркуе, што гэта звязана з сюжэтам украінска-расейскай вайны. Як мяркуецца, Трамп мог патэлефанаваць Лукашэнку ў надзеі, што той нейкім чынам паўплывае на Пуціна напярэдадні сустрэчы на Алясцы. Гэта, на мой погляд, абсалютна вар'яцкая версія. Або яна кажа аб нізкай кампетэнцыі адміністрацыі Дональда Трампа, бо цалкам зразумела, што не Лукашэнка ўплывае на Пуціна, а наадварот.

Магчыма, гэта нейкі асобны трэк у палітыцы прэзідэнта ЗША, не звязаны наўпрост з вайной Расеі супраць Украіны. Мы ведаем, што Дональд Трамп марыць атрымаць Нобэлеўскую прэмію міру, і вызваленне беларускіх палітвязняў можа быць прычынай, праз якую ён атрымае доўгачаканую ўзнагароду.

Калі вы памятаеце, у 2023 годзе прэзідэнт ЗША Джозэф Байдэн змог вызваліць у Нікарагуа 223 палітычных зняволеных. Тады была дамоўленасць з дыктатарам Артэга, што ён выпусціць на свабоду палітычных зняволеных, і сапраўды прыляцелі амерыканскія вайсковыя самалёты і вывезлі з краіны больш за 200 палітычных зняволеных. Аднак гэта, вядома, не прывяло да змены сітуацыі ў Нікарагуа. Артэга тут жа набраў новых закладнікаў. ЗША ў выніку не знялі ўсе санкцыі з рэжыму, але такі прэцэдэнт быў. Магчыма, цяпер Трамп спрабуе пераплюнуць Байдэна, вызваліць ужо 1300 чалавек і ўсё ж такі атрымаць Нобэлеўскую прэмію.

Можна заплюшчыць вочы на ўсе гэтыя эпітэты, якія цалкам непрымальныя ў дачыненні да дыктатара і забойцы Лукашэнкі, але калі гэта дапаможа вызваліць палітычных зняволеных, няхай гэта будзе 1300 чалавек, думаю, што можна даваць Трампу Нобэлеўскую прэмію, бо жыццё людзей найважней.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]