«Наведвальнікі стадыёна абавязаны знаходзіцца ў стане ап'янення»

Стэнд з кур'ёзнай памылкай заўважылі ў гімназіі Менска.

Наведвальнікі стадыёна гімназіі № 14 Менска абавязаныя знаходзіцца «ў стане алкагольнага, наркатычнага і таксічнага ап'янення». Такую інфармацыю памылкова размясцілі на стэндзе, які ўсталяваны каля спартыўнага аб'екта навучальнай установы, заўважыў тэлеграм-канал «Минск. Главное!».

Мадэрнізаваны і добраўпарадкаваны стадыён на тэрыторыі гімназіі № 14 адкрылі ў верасні 2024 года, пісалі СМІ. Заказчыкам выступіла ўправа капітальнага будаўніцтва Заводскага раёна сталіцы.

28 жніўня тэлеграм-канал «Минск. Главное!» апублікаваў фатаграфію стэнда, які ўсталяваны ля стадыёна. На беларускай мове на таблічцы напісаны правілы наведвання спартыўнага аб'екта:

«Наведвальнікі абавязаны знаходзіцца на стадыёне ў нецвярозым стане, у стане наркатычнага і таксічнага ап’янення».

Нагадаем, у адпаведнасці з Кодэксам аб адміністрацыйных правапарушэннях, з'яўленне ў грамадскім месцы ў стане ап'янення цягне накладанне штрафу сумай да васьмі базавых адзінак (336 рублёў). За паўторнае парушэнне на працягу года можна атрымаць грамадскія працы або адміністрацыйны арышт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]