Крэмль упершыню стаў выдаткоўваць на вайну палову сабраных у бюджэт падаткаў

Графік.

Упершыню з пачатку ўварвання ва Украіну фінансаванне войска і закупак зброі «з'елі» кожны другі рубель, сабраны з падаткаплатнікаў у федэральны бюджэт, паведамляе The Moscow Times.

Дзель выдаткаў на вайну ў даходах скарбніцы ў першым квартале 2025 года склала 50,1%, а на канец другога — 48,2%, падлічыў на падставе звестак сістэмы «Электронны бюджэт» навуковы супрацоўнік нямецкага інстытута праблем міжнароднай бяспекі Яніс Клюге.

Для параўнання: у 2022 годзе вайсковая машына спаліла 24,4% падаткаў, якія паступілі ў бюджэт; у 2023 годзе — 32,05%, у 2024-м — 39,05%. Папярэдні рэкорд быў зафіксаваны ў першым квартале 2023 года - 45,4%.

Дзель вайсковых артыкулаў у выдатках бюджэту ніжэйшая, паколькі самі выдаткі перавышаюць даходы, а бюджэт — дэфіцытны. Так, за студзень–чэрвень Мінфін сабраў 17,584 трлн рублёў, а выдаткаваў — 21,278 трлн.

З гэтай сумы на вайну сышло 39,9%, а ў першым квартале — 41,2%. Гэтыя значэнні — абсалютныя рэкорды ў сучаснай гісторыі Расеі і перавышаюць нават узроўні апошніх гадоў Савецкага Саюза, калі крах сацыялістычнай эканомікі вымусіў КПСС пусціць «пад нож» гіганцкі ваенна-прамысловы комплекс.

Так, у бюджэце - 1990 на «вайсковыя мэты» было закладзена 71 млрд рублёў з 241,3 млрд, або 29,4% (звесткі апублікаваныя ў архіве экс-прэм'ера РФ Ягора Гайдара).

За студзень–чэрвень, паводле разлікаў Клюге, Крэмль выдаткаваў на абаронныя артыкулы 8,484 трлн рублёў. У параўнанні з тым жа перыядам мінулага года выдаткі на войска і вытворчасць зброі павялічыліся на 31%; у параўнанні са студзенем-чэрвенем 2023 года — на 95%, а калі параўноўваць з першым годам вайны — утрая.

У закон аб бюджэце-2025 першапачаткова было закладзена 13,5 трлн рублёў на артыкул «Нацыянальная абарона» і яшчэ 3,459 трлн рублёў на артыкул «нацыянальная бяспека», куды ўкладзеныя бюджэты паліцыі, Расгвардыі, Следчага камітэта і спецслужбаў. Планавалася блізу 8% ВУП, але фактычна будзе нават больш, распавяла Reuters у жніўні крыніца ва ўрадзе.

Скарачаць вайсковы бюджэт у 2026 годзе Крэмль не плануе нават у выпадку заканчэння актыўнай фазы баявых дзеянняў ва Украіне, паведаміў суразмоўца агенцтва: «набоі і беспілотнікі ўсё адно трэба будзе рабіць, хоць крыху ў меншым маштабе. Канфрантацыя захаваецца, войска і выдаткі на ўзбраенне будуць большыя, бо і Захад іх нарошчвае».

Са слоў крыніцы, калі вайна скончыцца, абаронны бюджэт можа зменшыцца з 2027 года, але зніжэння да узроўняў, якія былі «да СВА» чакаць не варта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]