Келаг і Мэрц адрэагавалі на масаваны ўдар расейцаў па Украіне

Расея чарговым разам прадэманстравала свой сапраўдны твар.

Спецыяльны прадстаўнік Злучаных Штатаў Амерыкі ў пытаннях Украіны Кіт Келаг адрэагаваў на масаваны ўдар расейскіх акупацыйных войск па Украіне ў ноч на чацвер, 28 жніўня. Келаг у сацсетцы Х назваў гэты абстрэл другой па маштабах паветранай атакай за ўвесь час поўнамаштабнай вайны.

«Цэлі? Не жаўнеры і зброя, а жылыя раёны Кіева - мірныя цягнікі, офісы місій Еўрапейскага Звязу і Вялікай Брытаніі і нявінныя цывільныя людзі», - падкрэсліў ён.

Спецпрадстаўнік ЗША ўказаў, што гэтыя ўдары пагражаюць міру, да якога імкнецца амерыканскі прэзідэнт Дональд Трамп.

Канцлер Нямеччыны Фрыдрых Мэрц асудзіў начны масаваны напад расейцаў і падкрэсліў, што РФ «зноў паказала свой сапраўдны твар».

«Тое, што цяпер пад прыцэл трапіла і прадстаўніцтва Еўразвязу, сведчыць аб беспрынцыпнасці расейскага рэжыму, якая расце», — адзначыў Мэрц.

Прэзідэнтка Еўракамісіі Урсула фон дэр Ляен паведаміла, што дзве расейскія ракеты патрапілі ў радыусе 50 метраў ад будынка місіі ЕЗ. Міністр замежных спраў ФРГ Ёган Вадэфуль адзначыў, што ўдары акупантаў па Кіеве не могуць застацца без адказу. Высокая прадстаўніца Еўрапейскага Звязу ў пытаннях замежных спраў Кая Калас адзначыла, што масаваная атака РФ «дэманструе свядомы выбар эскалацыі і насмешкі з мірных намаганняў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]