У Менску запускаюць новы аўтобусны маршрут
2- 28.08.2025, 19:02
- 3,356
Яго адкрыццё звязанае з пачаткам навучальнага года.
У Менску з 1 верасня запускаюць новы аўтобусны маршрут нумар 175с. Аб падрабязнасцях расказалі на прадпрыемстве «Сталічны транспарт і сувязь».
Аўтобус будзе курсаваць выключна па будных днях ад ДС «Зялёны Луг - 6» да канчатковага пункта - прыпынку «Юзэфа Лангбарда».
Транспарт прызначаны для падвозу навучэнцаў школ Савецкага раёна.

Графік працы маршруту:
ад «Зялёнага Лугу - 6» - а 07:33, 12:28, 12:46, 14:31, 15:31, 18:16, 19:16
ад «Іосіфа Лангбарда» - а 07:14, 07:59, 12:54, 13:12, 14:57, 15:57, 18:42.
Рух аўтобуса пачынаецца з вул. Мірашнічэнкі. Далей ён ідзе вул. Гамарніка, Карбышава і выязджае на Лагойскі тракт, а затым на МКАД.
Па кальцавой дарозе транспарт ідзе без прыпынкаў да развязкі з Даўгінаўскім трактам, пасля чаго накіроўваецца вул. Будслаўскай да канцавога пункта на вул. Юзафа Лангбарда.