ЕЗ дэманструе падтрымку краінам, якія мяжуюць з Расеяй і Беларуссю

Урсула фон дэр Ляен адпраўляецца ў турнэ па краінах «перадавой лініі».

Прэзідэнтка Еўрапейскай камісіі Урсула фон дэр Ляен адпраўляецца ў турнэ па краінах «перадавой лініі», каб умацаваць абарону супраць Расеі і прадэманстраваць падтрымку ЕЗ. Пра гэта ў чацвер паведаміла прэс-служба Еўракамісіі, піша Politico (пераклад - сайт Charter97.org).

У рамках паездкі Урсула фон дэр Ляен наведае Фінляндыю, Эстонію, Латвію, Літву і Польшчу — краіны, якія мяжуюць з Расеяй і Беларуссю — а таксама Балгарыю і Румынію. Гэта найбуйнейшая дыпламатычная ініцыятыва старшыні Еўракамісіі ў сферы бяспекі і абароны ЕЗ з пачатку поўнамаштабнага ўварвання Расеі ва Украіну.

Турнэ праходзіць на фоне намаганняў прэзідэнта ЗША Дональда Трампа ў пошуку шляхоў заканчэння вайны Расеі супраць Украіны, у выніку якой загінула дзясяткі тысяч украінцаў, а мільёны былі вымушаныя пакінуць краіну. Нягледзячы на актыўную дыпламатычную працу, уключаючы сустрэчу Трампа з Пуціным на Алясцы, расейскі лідар прадаўжае вайсковыя дзеянні. За апошнія дні расейскія войскі нанеслі ўдары па Кіеве дронамі і балістычнымі ракетамі, адзін з удараў прыйшоўся на будынак дэлегацыі ЕЗ.

Прэс-сакратарка Еўракамісіі Арыяна Падэста назвала напад «абсалютна недапушчальным» і заявіла, што ён не пахісне падтрымку Украіны. Ніхто з супрацоўнікаў дыпламатычнай місіі не пацярпеў, і яны застануцца ў Кіеве.

Вайсковая актыўнасць Расеі стымулюе еўрапейскія краіны нарасціць абарончыя выдаткі. Чальцы NАТО ў Еўропе абавязаліся падвысіць іх да 5% ВУП да 2035 года. Пакуль не зразумела, ці ўдасца ім дасягнуць гэтых мэт.

Тур фон дэр Ляен стартуе ў пятніцу ў Латвіі сустрэчай з прэм'ер-міністрам Эвікай Сілінай, затым кіраўнік Еўракамісіі наведае Хельсінкі, Эстонію, Польшчу, Балгарыю, Румынію і закончыць паездку візітам у Літву.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]