Пасля слоў Аліева пра Украіну Расея біла ракетай па амбасадзе Азербайджана ў Кіеве

Ракета выклікала пажар і моцную дэтанацыю.

Уначы Расея нанесла масаваны ўдар па ўкраінскай сталіцы, пры гэтым адна з ракет упала ўсяго за 100 метраў ад будынка амбасады Азербайджана ў Кіеве. Фактычна, гэта быў тэракт побач з дыпламатычным аб'ектам, піша «Диалог.UA».

Экспэрты і СМІ ўпэўненыя, што Масква помсціць Баку: пасля нападаў на Азербайджанскія нафтабазы расейскія войскі перайшлі да тэрору дыпламатаў у Баку і ледзь не закранулі само пасольства ў Кіеве.

Згодна з інфармацыяй, ракета, якая ўпала побач з пасольствам, выклікала пажар і моцную дэтанацыю.

«Уначы Расея біла па амбасадзе Азербайджана ў Кіеве, але крыху не пацэліла. Раней расейцы разбамбілі некалькі азербайджанскіх нафтабаз. Цяпер перайшлі да адкрыта тэрарыстычных нападаў на амбасаду», - піша журналіст Дзяніс Казанскі.

Пагаршэнне стасункаў Масквы і Баку

Гэты ўдар адбыўся на фоне імклівага пагаршэння стасункаў паміж Расеяй і Азербайджанам. Раней расейскія войскі разбамбілі некалькі азербайджанскіх нафтабаз. А літаральна ў сераду прэзідэнт Азербайджана Ільхам Аліеў выступіў з рэзкай і зневажальнай для Крамля прамовай, назваўшы вайну ва Украіне «ўварваннем» і абвінаваціўшы Маскву ў катаваннях і забойствах азербайджанцаў. Ён таксама нагадаў пра збіты расейскай СПА самалёт AzAl і ўпершыню афіцыйна назваў далучэнне Азербайджана да СССР «акупацыяй».

Адказ Крамля - удары па сімвалах

Пасля слоў Аліева Масква не стала публічна адказваць, але дзеянні кажуць самі за сябе. Спачатку ўдары па азербайджанскіх нафтабазах, цяпер ракета побач з амбасадай. Экспэрты ўпэўненыя, што гэта дэманстратыўная спроба «пакараць» Баку за яго жорсткую пазіцыю і за адкрытае прызнанне тэрытарыяльнай цэласнасці Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]