Міністэрства адукацыі: Тэлефоны ў настаўнікаў забіраць не будуць

Толькі абмяжуюць карыстанне.

У Беларусі з 1 верасня ўводзіцца забарона на выкарыстанне мабільных тэлефонаў школьнікамі. Перад пачаткам навучальнага дня вучні будуць здаваць прылады на захоўванне, а пасля заняткаў - забіраць назад.

Пастановай Міністэрства адукацыі таксама прадугледжаная забарона на выкарыстанне мабільных гаджэтаў для настаўнікаў падчас урокаў. Пры гэтым педагогам здаваць тэлефоны не спатрэбіцца. Пра гэта на прэс-канферэнцыі ў Нацыянальным Прэс-цэнтры паведаміла начальніца ўпраўвы агульнай сярэдняй адукацыі Міністэрства Ірына Каржова.

«У гэтай пастанове пазначана, што настаўнікі таксама абмяжоўваюцца ў выкарыстанні мабільных тэлефонаў. Настаўнік - прыклад для дзіцяці. Калі на ўроку забаронена карыстацца тэлефонам вучню, то чаму настаўнік, нават калі клас выконвае самастойную пісьмовую працу, павінен сядзець, уткнуўшыся ў тэлефон, весці перапіску або займацца чымсьці яшчэ? Настаўнікі абмяжоўваюцца ў выкарыстанні тэлефонаў падчас урока, але забіраць іх у педагогаў мы не плануем. Экстраная сувязь павінна быць даступная, бо ўсякае можа здарыцца. Мы гэта таксама разумеем", - патлумачыла яна.

Нагадаем, першапачаткова абмежаванні распаўсюджваліся толькі на школьнікаў. Учора, 27 жніўня, на партале pravo.by з'явілася інфармацыя пра забароны на карыстанне мабільнымі для настаўнікаў. Цяпер Мінадукацыі патлумачыла сваю пазіцыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]