Украінскіх мужчын ва ўзросце 18-22 гадоў пачалі выпускаць за мяжу
19- 28.08.2025, 9:39
- 5,466
Некаторыя з іх ужо з'ехалі.
Пастанова Кабінета міністраў аб дазволе вайсковаабавязаным мужчынам ва ўзросце 18-22 гадоў увайшла ў дзеянне. Некаторыя ўжо паспелі з'ехаць.
Пра гэта заявіў спікер Дзяржаўнай памежнай службы Украіны (ДПСУ) Андрэй Дземчанка.
«Памежнікі ўжо маюць першых ахвочых выехаць за мяжу сярод мужчын 18-22 гадоў. Хтосьці з іх ужо паспеў аформіцца», - дадаў Дземчанка.
Прадстаўнік ДПСУ адзначыў, што адпаведныя змены ўжо ўвайшлі ў дзеянне.
Аднак, паводле ягоных слоў, жанчын-дэпутатак яшчэ не выпускаюць, бо скасаванне забароны яшчэ не апублікавалі ва «Урядовом курьерье».
Выезд маладых людзей і дэпутатак мясцовых саветаў за мяжу
Нагадаем, Кабінет міністраў Украіны 27 жніўня апублікаваў пастанову, якая дазваляе мужчынам ва ўзросце ад 18 да 22 (уключна) гадоў перасякаць мяжу падчас ваеннага становішча.
Такія мужчыны абавязаны мець пры сабе не толькі замежны пашпарт, але і вайсковы ўліковы дакумент (у папяровым або электронным выглядзе). Дакументы неабходна паказаць у пунктах пропуску на патрабаванні работніка ДПСУ.
З пачаткам поўнамаштабнай вайны ва Украіне ўвялі абмежаванні на выезд мужчын ад 18 да 60 гадоў. Гэту пастанову прынялі для забеспячэння мабілізацыі і выканання грамадзянамі канстытуцыйнага абавязку ў абароне краіны.
Мужчыны ва ўзросце ад 18 да 25 гадоў фактычна не могуць быць набраныя падчас мабілізацыі. Аднак выехаць за мяжу яны таксама не мелі права.
Акрамя таго, Кабінет Міністраў 27 жніўня скасаваў забарону выезду за мяжу падчас ваеннага становішча жанчын-дэпутатак мясцовых радаў. Змены тычацца дэпутатак усіх узроўняў радаў, акрамя тых, хто атрымлівае заробак за сваю працу ў органах мясцовага самакіравання.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
