«Пуцін настолькі перапалохаўся, што пачалі «знікаць» вайскоўцы»

Крэмль баіцца новых «прыгожынскіх» сцэнарыяў.

У Расеі працягваюцца арышты высокапастаўленых генералаў Мінабароны. 26 жніўня стала вядома пра арышт экс-кіраўніка ФДБУ «9-ы лячэбна-дыягнастычны цэнтр» (ЛДЦ) Мінабароны РФ генерал-маёра Канстанціна Куўшынава. Пасля адстаўкі Сяргея Шайгу з пасады кіраўніка Мінабароны, гэта ўжо дзявяты вайсковы кіраўнік, якога абвінавацілі ў шматмільённых крадзяжах і хабарах.

Што напраўду стаіць за шэрагам арыштаў расейскіх генералаў — барацьба з карупцыяй ці спроба Крамля зачысціць нелаяльных афіцэраў? Пра гэта сайт Charter97.org пагаварыў з генерал-маёрам СБУ ў адстаўцы Віктарам Ягуном:

- Расея - таталітарная дзяржава, якая жыве паводле сваіх прынцыпаў. У іх фактычна рэінкарнацыя сталінскай эпохі, 1937 год. Прыйшлі адны, сышлі іншыя. Патрэбна зачыстка старых эліт. Як зачысціць? Самае лёгкае - абвінаваціць у тым, што ты шпіён і працуеш на захад. Цяпер - карупцыя: пад гэтай падставай яны ўсё падцягваюць. Але калі асноўны карупцыянер сядзіць на першай пасадзе, пра якую барацьбу з карупцыяй можна казаць? Гэта проста самы лёгкі спосаб зачысціць тэрыторыю. Вось і ўсё. Прыбралі Шайгу - цяпер зачышчаюць далей.

Іншая рэч, калі затрымліваюць баявых генералаў, умоўна баявых — тых, хто займае пасады не толькі ў Міністэрстве, але і ў войсках, хоць бы ведае, дзе гэтыя войскі знаходзяцца. Гэта ўжо іншая сістэма. Пасля спробы Яўгена Прыгожына» навесці парадак у Расеі, Уладзімір Пуцін настолькі перапалохаўся, што цяпер абараняе ўсіх і ўся. Таму вайскоўцы час ад часу і «знікаюць».

Напраўду нічога надзвычайнага не адбываецца. Таталітарныя дзяржавы пажыраюць самі сябе, бо няма апазіцыі, няма да чаго прыцягвацца. Але паказваць працу праваахоўных органаў трэба - вось яны такім чынам яе і паказваюць.

- Як гэтыя арышты ўплываюць на маральны клімат і кіравальнасць у расейскім войску?

- Калі бяруць баявых генералаў, маральна-псіхалагічны чыннік падае вельмі моцна. Бо ў асноўным арыштоўваюць тых, хто можа ўзяць на сябе адказнасць, каго называлі «Бацька жаўнера»: прыехаў, усіх узварушыў, паставіў на месца. А калі арыштоўваюць небаявых генералаў, гэта амаль ніяк не ўплывае.

Адзінае - усе, хто прызначаюцца на іх месца, разумеюць, што заўтра могуць прыйсці і па іх. Таму яны імкнуцца скрасці як мага больш. Чым больш скрадзеш, тым больш зможаш схаваць. Бо ведаюць: адседзіць хтосьці годзік-два, а то і зусім выйдзе з СІЗА, адкупіцца. Нарабаванае застанецца дзецям і ўнукам. Вось таму яны крадуць усё запар, як мага хутчэй.

- Ці магчымы сцэнар, пры якім частка генералітэту ўзбунтуецца супраць Пуціна?

- Не, я так не думаю. У іх такой магчымасці няма. Таму што Крэмль своечасова пачаў выбіваць генералаў, якія маглі б нешта зрабіць. Было пару чалавек - умоўна, Сяргей Суравікін, які кантактаваў з Яўгенам Прыгожыным, яшчэ некалькі, хто сапраўды мог узяць на сябе адказнасць. Але ўсіх іх прыбралі: хтосьці на пенсіі, хтосьці адсунуць далёка ў бок.

Адзіная катэгорыя людзей, якія могуць паспрабаваць узяць на сябе адказнасць, — гэта набліжаныя да ўлады бізнэсоўцы. Яны могуць у адзін момант сказаць: «Дасталі! Мы грошы павінны былі зарабляць, а вы нам не даяце!»- і скінуцца, падкупіць кагосьці, зладзіць «сабантуй». Але людзей, якія не толькі хочуць, але і могуць узяць на сябе адказнасць, у Расеі сёння няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]