Зяленскі назваў першыя краіны, чыё грамадзянства ўкраінцы змогуць атрымліваць дадаткова

Раней ва Украіне прынялі закон аб множным грамадзянстве.

26 жніўня прэзідэнт Украіны Уладзімір Зяленскі паведаміў у Telegram аб сваёй сустрэчы з прадстаўнікамі Сусветнага кангрэса ўкраінцаў (СКУ).

«Разам гаварылі аб дыпламатычнай працы, ціску на Расею, вяртанні выкрадзеных дзяцей, падтрымцы нашых школьнікаў і прыцягненні інвестыцый у аднаўленне. Абмеркавалі і падтрымку нашых ваяроў. Прадстаўнікі кангрэса распавялі, што ўжо накіравалі сабраныя сродкі на дроны і пікапы для фронту», - напісаў прэзідэнт.

Ён падзякаваў СКУ за дапамогу.

«Размаўлялі і аб множным грамадзянстве. Закон прыняты, у найбліжэйшы час урад прыме неабходныя нарматыўныя акты, і першымі краінамі, дзе прыменяць нормы, стануць Нямеччына, Польшча, Чэхія, ЗША і Канада. Гэта крок для яшчэ большага адзінства ўкраінцаў у свеце», - растлумачыў Зяленскі.

Прэс-служба Зяленскага ўдакладніла, што падчас сустрэчы з прадстаўнікамі СКУ ён паведаміў, што спачатку механізм множнага грамадзянства будзе ўжыты да Нямеччыны, Польшчы і Чэхіі, а пасля гэтага плануецца распаўсюдзіць на Канаду і ЗША.

У ліпені Зяленскі казаў, што найперш гэта будуць Нямеччына, Польшча, Чэхія і дзяржавы Балтыі, але «павінны далей думаць і пра Канаду, пра іншыя краіны, дзе шмат украінцаў і дзе так Украіну моцна падтрымліваюць».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]