У Магілёве можна было прайсці тэхагляд з няспраўным аўто

Дапамагалі за 20 рублёў.

Двух жыхароў Магілёва будуць судзіць за атрыманне хабару і пасярэдніцтва ў хабарніцтве. Мужчыны за грошы садзейнічалі атрыманню аўтаўладальнікамі незаконных дазволаў на допуск да ўдзелу ў дарожным руху, паведамілі ў пракуратуры Магілёўскай вобласці.

Інжынер па тэхаглядзе транспарту пры пасярэдніцтве свайго знаёмага з траўня 2023 года да красавіка 2025-га браў 20 рублёў за незаконную паслугу. Ён дапамагаў прайсці дзяржтэхагляд на дыягнастычнай станцыі без указання няспраўнасцяў аўто ў спецыяльнай карце.

«Сваімі дзеяннямі абвінавачаныя спрыялі атрыманню ўладальнікамі легкавых аўтамабіляў незаконных дазволаў на допуск транспартных сродкаў да ўдзелу ў дарожным руху», - паведамілі ў пракуратуры.

Абвінавачанні выстаўленыя 33-гадоваму і 36-гадоваму жыхарам Магілёва. Яны прызналі віну і кампенсавалі 200 рублёў злачыннага даходу. Абодва пад падпіскай аб нявыездзе і належных паводзінах.

Інжынера абвінавачваюць у атрыманні хабару (ч.1, ч.2 арт.430 КК), яго знаёмага — у пасярэдніцтва ў хабарніцтве (ч.1, ч.2 арт.432 КК). Першаму пагражае да 10 гадоў калоніі, другому - да шасці гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]