Пяціразовы пераможца Лігі чэмпіёнаў перайшоў у «Баер»
- 26.08.2025, 19:16
- 4,288
Раней ён абараняў колеры мадрыдскага «Рэала».
Гішпанскі абаронца Лукас Васкес падпісаў кантракт з «Баерам». Пра гэта паведамляецца на сайце леверкузенскага клуба.
34-гадовы футбаліст далучыўся да «Баера» на правах вольнага агента, яго кантракт з мадрыдскім «Рэалам» скончыўся ў канцы мінулага сезона.
Васкес падпісаў дамову з новым клубам да 30 чэрвеня 2027 года.
Васкес дэбютаваў у асноўным складзе «Рэала» ў верасні 2015 года. З тых часоў ён адыграў дзесяць сезонаў і правёў 402 матчы. За гэты час абаронца здабыў 23 трафеі: пяць разоў перамагаў у Лізе чэмпіёнаў, пяць разоў — у клубным чэмпіянаце свету, чатыры разы — у Суперкубку УЕФА, чатыры разы — у чэмпіянаце Гішпаніі, чатыры разы — у Суперкубку Гішпаніі, адзін раз — у Кубку Гішпаніі.
У складзе нацыянальнай каманды Гішпаніі Васкес правёў дзевяць матчаў.