Лукашэнка страляе сабе ў галаву

Дыктатар не засвоіў урокаў нядаўняй гісторыі.

Падчас сустрэчы 25 жніўня з губернатарам Валагодскай вобласці Расеі Георгіем Філімонавым беларускі дыктатар, жадаючы падлабуніцца да дарагога госця, стаў разважаць пра блізкасць расейскага і беларускага народаў.

«Вялікая павага нашага народа да расейскага народа. Мне нават як чалавеку савецкаму цяжка вымаўляць гэта - што там расейцы, беларусы ... Мы адзін народ фактычна. Ад аднаго кораня адбыліся, нарадзіліся, мы падобныя абсалютна адзін на аднаго, у нас прынцыпы адны і тыя ж, мы развіваемся так, як павінны развівацца славянскія народы. Мы хацелі б, каб у нас былі самыя добрыя і цёплыя дачыненні», - сказаў Аляксандр Лукашэнка.

Пры гэтым, кажучы пра тое, што расейцы і беларусы «адзін народ», ён, мабыць, нават не падазрае, што страляе сабе не тое што ў нагу, а, можна сказаць, у галаву, піша UDF.

Бо гэта менавіта той наратыў, які ўжо некалькі дзесяцігоддзяў прасоўваецца ў беларускім соцыуме расейскай прапагандай. Паводле логікі Крамля, калі мы «адзін народ», то навошта беларусам уласная дзяржава і дзяржаўнасць.

Уладзімір Пуцін часта паўтарае што расейцы і ўкраінцы – гэта таксама адзін народ. У Кіеве з гэтым тэзісам не пагадзіліся. І вось, фактычна, менавіта праз гэту супярэчнасць ва Украіне ўжо чацвёрты год ідзе кровапралітная вайна.

Але з Беларуссю ўсё значна прасцей - Лукашэнка не толькі не пярэчыць крамлёўскай прапагандзе, але знарочыста рэтранслюе гэты тэзіс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]