Колькі цяпер каштавацьме зямельны надзел пад Менскам?

Сталі вядомыя падрабязнасці будучага аўкцыёну.

Чарговы аўкцыён продажу зямельных надзелаў адбудзецца 19 верасня. Ужо цяпер можна вывучыць лоты, за якія будуць змагацца ўдзельнікі. Ёсць як вельмі даступныя варыянты, так і вельмі дарагія. Дзе яны знаходзяцца і колькі каштуюць? Пра гэта піша «Онлайнер».

Усе пляцы, якія хутка будуць шукаць сваіх уладальнікаў, дыслакуюцца ў Менскім раёне. Аўкцыён іх продажу адбудзецца 19 верасня, аднак падаць дакументы на ўдзел неабходна не пазней за 15 верасня.

Давайце разгледзім самы танны варыянт. Надзел плошчай 10 сотак у вёсцы Ліцвінкава ў Лагойскім раёне ацэнены ўсяго на 8000 рублёў. У лакацыі нічога характэрнага - вакол лясы і палеткі. З камунікацый - толькі электрычнасць.

Пляц у вёсцы Лабуншчыне ацэнены на 15 000 рублёў. Яго памер - 10 сотак. З цікавага можна пазначыць тое, што ў гэтым населеным пункце на карце адзначана цэлых дзве артэзіянскія свідравіны. Што тычыцца інжынерных камунікацый, яны ўсе прысутнічаюць: электрычнасць, газ, водаправод.

У вёсцы Мацкі Менскага раёна на аўкцыён выстаўлены пляц за пачатковыя 18 000 рублёў. Ён даволі прасторны - крыху большы за 14 сотак. Для будучага дома тут праведзена толькі электрычнасць.

Ну а цяпер пяройдзем да больш дарагіх, а значыць, больш прывабных надзелаў. Напрыклад, у вёсцы Мачаны знайшлося месца для ўзвядзення дома недалёка ад Вячы. Такое суседства падняло цану пляца да 45 000 рублёў. Ды і плошча зямлі немаленькая - 12 сотак.

У Мачулішчах уладальнікаў будуць шукаць два зямельныя надзелы па 15 сотак кожны. Яны мяжуюць з невялікім кавалачкам лесу, таму частка вокнаў будучых будынкаў будзе мець маляўнічы выгляд. Участкі цалкам гатовыя да будоўлі - тут праведзеныя электрычнасць, газ, водаправод і каналізацыя. Пачатковы кошт - па 70 тысяч рублёў.

Самыя дарагія лоты знаходзяцца ў вёсцы Малінаўцы. Яно і зразумела, бо адсюль рукой падаць да Бараўлянаў, капішча і непасрэдна да МКАД. Абодва пляцы маюць прыкладна аднолькавыя памеры - 10 і 11 сотак, а таксама ацэнены на 120 тысяч рублёў. Гэта пачатковая стаўка, якая ў працэсе таргоў можа вырасці.

У названыя даты будуць праводзіцца таргі і для іншых зямельных надзелаў. Увесь спіс можна вывучыць на сайце Мінскага абласнога цэнтра інвестыцый і прыватызацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]