«Унікальныя імёны — гэта Вольга і Валерый»

Як называюць дзяцей менчукі

За першае паўгоддзе ў Менску нарадзіліся больш за шэсць тысяч дзяцей. І многія маладыя бацькі выбіралі для іх не самыя звыклыя для беларускага вуха імёны. Напрыклад, Марк-Антуан, Спартак, Нінэль, Карнэлія і Любaва. Пры гэтым у топе з году ў год трымаюцца адны і тыя ж варыянты. Пра гэта ў эфіры праўладнага тэлеканала СТВ расказала прадстаўніца Менгарвыканкама.

«Натальля, Вольга, Святлана, Ірына — гэта ўжо рэдкія імёны ў дзяўчынак. У хлопчыкаў — Уладзімір, Валерый, Руслан. Нават Сяргей сёння — гэта рэдкае імя», — удакладніла Натальля Каліна.

Што тычыцца самых распаўсюджаных імёнаў, то для хлопчыкаў гэта Міхаіл, Цімафей і Раман, а для дзяўчынак — Марыя, Ева і Сафія. Так, Міхаіл быў лідарам і летась.

Тады ў пяцёрку ўвайшлі таксама Мацвей, Цімафей, Арцём і Марк. Што тычыцца дзяўчынак, то ў 2024-м найчасцей у сталіцы ім давалі імя Сафія, але Марыя і Ева таксама былі папулярныя. У пяцёрку ўваходзілі яшчэ Ганна і Аліса.

Дарэчы, з пачатку года ў Менску ажаніліся больш за 8 тысяч пар. Калі казаць пра замежных жаніхоў і нявест, шлюбы часцей за ўсё ўкладаюць з грамадзянамі Расеі, Таджыкістана і Туркменістана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]