Стала вядома, колькі выпускнікоў менскіх аўташкол здалі экзамены з першай спробы

Тэарэтычны і практычны.

У Менску за сем месяцаў 2025 года тэарэтычны экзамен на пасведчанне кіроўцы з першай спробы здалі блізу 8,5 тысяч чалавек (70% ад усіх, хто звяртаўся), а практычны — крыху больш за 3,5 тысячы (30%).

Пра гэта расказаў намеснік начальніка ДАІ Дзмітрый Лівановіч на пасяджэнні камісіі аб гарантаванні бяспекі дарожнага руху пад кіраўніцтвам старшыні Мінгарвыканкама Уладзіміра Кухарава, пішуць «Минск-Новости».

Разам з тым, як адзначалася на камісіі, узровень практычных навыкаў вялікай колькасці выпускнікоў сталічных аўташкол дастаткова нізкі. На гэта паказвае статыстыка, агучаная ДАІ.

— За апошнія пяць гадоў штогод прымаецца ў сярэднім блізу 80 тысяч тэарэтычных і практычных экзаменаў. У 2024 годзе ў Менску паслугі для падрыхтоўкі кіроўцаў катэгорыі «B» выконвала 71 юрыдычная асоба. Пасля заканчэння аўташкол блізу 20 тысяч грамадзян звярнуліся ў экзаменацыйнае падраздзяленне ДАІ для атрымання пасведчання кіроўцы. У выніку тэарэтычны кваліфікацыйны экзамен з першай спробы здалі больш за 13 тысяч чалавек, што складае 67% ад усіх, хто звяртаўся. У той жа час практычны экзамен вытрымалі толькі 6 тысяч выпускнікоў аўташкол (33%), што сведчыць аб недастатковых навыках кіравання.

Паспяховымі ў плане падрыхтоўкі кіроўцаў у ДАІ лічаць аўташколы, дзе адсотак здачы экзаменаў з першай спробы складае 50% і больш. Аднак ёсць і такія вучэбныя арганізацыі, дзе адсотак ніжэйшы за 30%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]