Reuters: ЗША і Расея кулуарна абмяркоўвалі ўгоды ў энергетычнай сферы

Гэта частка стратэгіі Вашынгтона для аслаблення сувязі паміж Расеяй і Кітаем.

Амерыканскія і расейскія чыноўнікі абмяркоўвалі некалькі энэргетычных угод у кулуарах перамоў у жніўні. Гэтыя прапановы разглядаліся як стымул для Крамля пагадзіцца на мір ва Украіне і для Вашынгтона змякчыць санкцыі супраць Расеі.

Пра гэта паведамляе Reuters.

Як адзначае агенцтва, пасля ўварвання ва Украіну ў лютым 2022 года Масква пазбавілася доступу да міжнародных інвестыцый у энэргетычны сектар. Яна таксама апынулася пад забаронай укладаць буйныя пагадненні.

Магчымыя праекты і вяртанне Exxon Mobil

Са звестак трох крыніц, абмяркоўвалася магчымасць вяртання Exxon Mobil у праект «Сахалін-1». Яшчэ адна ідэя палягала ў пастаўках амерыканскага абсталявання для расейскіх СПГ-праектаў, такіх як Arctic LNG 2, якія знаходзяцца пад заходнімі санкцыямі.

Reuters таксама паведамляў, што абмяркоўвалася ідэя закупкі ЗША расейскіх атамных ледаколаў. Крыніцы падкрэсліваюць, што публічна гэтыя перамовы не каментуюцца.

Сустрэчы ў Маскве і на Алясцы

Перамовы праводзіліся падчас візіту амерыканскага спецыяльнага пасланніка Стыва Уіткофа ў Маскву, дзе ён сустракаўся з Уладзімірам Пуціным і яго прадстаўніком Кірылам Дзмітрыевым. Дзве крыніцы паведамілі, што тэма абмяркоўвалася і ў Белым доме з Дональдам Трампам.

Угоды таксама абмяркоўваліся на саміце на Алясцы 15 жніўня. «Белы дом сапраўды хацеў апублікаваць загаловак пасля саміту на Алясцы, абвясціўшы пра буйную інвестыцыйную ўгоду», — адзначыў адзін з суразмоўцаў. «Менавіта так Трамп адчувае, што дасягнуў чагосьці».

Рэакцыя і адсутнасць каментароў

Афіцыйныя асобы ЗША заявілі, што перамовы з Расеяй і Украінай працягваюцца дзеля спынення вайны. «Гэта не адпавядае нацыянальным інтарэсам — далей абмяркоўваць гэтыя пытанні публічна», — сказаў прадстаўнік Белага дома.

Прадстаўнік Дзмітрыева адмовіўся ад каментароў. Exxon Mobil таксама не стала выказвацца. «Раснафта» і «Наватэк» не адказалі на запыты журналістаў.

Пагрозы санкцый і стыль торгу Трампа

Трамп пагражаў новымі санкцыямі супраць Расеі, калі мірныя перамовы не дадуць выніку. Акрамя таго, ён гатовы ўвесці жорсткія мытныя супраць Індыі, аднаго з найбольшых пакупнікоў расейскай нафты.

Раней у гэтым годзе абмяркоўваліся варыянты аднаўлення паставак расейскага газу ў Еўропу. Аднак планы заблакаваў Брусэль, які мае намер цалкам адмовіцца ад імпарту расейскага газу да 2027 года.

Паварот да двухбаковых угод

Апошнія перамовы змянілі акцэнт на двухбаковыя пагадненні паміж ЗША і Расеяй. Гэта дэманструе адступленне ад фармату з удзелам ЕЗ, які застаецца трывалым прыхільнікам Украіны.

У дзень саміту на Алясцы Пуцін падпісаў указ, які дазваляе замежным інвестарам, у тым ліку Exxon Mobil, вярнуць дзелі ў «Сахалін-1». Умова — падтрымка зняцця заходніх санкцый з Расеі.

Arctic LNG 2 і канкурэнцыя з Кітаем

Exxon пакінула Расею ў 2022 годзе пасля ўварвання ва Украіну, спісаўшы страты на 4,6 млрд даляраў. Яе дзель на 30% у праекце «Сахалін-1» была канфіскаваная Крамлём.

Праект Arctic LNG 2 сутыкнуўся з некалькімі пакетамі санкцый ЗША, уключаючы забарону на спецыялізаваныя судны. Нягледзячы на гэта, у красавіку завод аднавіў перапрацоўку газу, хоць і ў абмежаваных аб’ёмах.

Вашынгтон разглядае магчымасць падштурхнуць Маскву да закупкі амерыканскіх тэхналогій замест кітайскіх. Гэта частка стратэгіі ў аслабленні сувязяў паміж Расеяй і Кітаем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]