Sky News паказала сакрэтны завод для вытворчасці дронаў ва Украіне

Гэта сапраўдная гонка інавацый.

Брытанскае выданне Sky News атрымала эксклюзіўны доступ да аднаго з украінскіх заводаў вытворчасці беспілотнікаў, каб паказаць, як краіна выкарыстоўвае тэхналогіі ў вайне супраць Расеі.

Як піша выданне, кампанія General Cherry Drones, заснаваная добраахвотнікамі ў пачатку паўнамаштабнага ўварвання, павялічыла вытворчасць у тысячу разоў: са 100 дронаў на месяц — да сотняў тысяч. Але, паводле слоў прадстаўніка кампаніі Андрэя Лаўрэновіча, гэтага ўсё адно недастаткова для фронту.

«У расейцаў шмат войскаў, шмат тэхнікі. Нашы жа салдаты штодня кажуць нам: нам трэба больш, лепш, хутчэй», — падкрэсліў ён.

Падобнае меркаванне выказаў і прэзідэнт Уладзімір Зяленскі. Ён заявіў, што Расея нарошчвае вытворчасць дронаў, тады як Украіна не можа пашырыць маштабы праз нястачу фінансавання.

Заводы ўвытворчасці беспілотнікаў трымаюць у сакрэце і нават перамяшчаюць, каб пазбегнуць расейскіх удараў. У памяшканнях, якія звонку выглядаюць як звычайныя офісы, беспілотнікі збіраюць уручную — ад квадракоптараў з выбухоўкай да апаратаў, здольных атакаваць расейскія выведвальныя дроны. Перад адпраўкай на фронт кожны апарат тэстуюць.

Кошт аднаго ўкраінскага дрона — блізу 1000 даляраў. Пры гэтым ён можа знішчыць варожы самалёт, які каштуе ў сотні разоў больш.

Аднак Расея спрабуе дагнаць. Прапагандысцкія кадры з яе заводаў паказваюць сотні новых ударных беспілотнікаў «Герань», гатовых да запуску па Украіне. Крэмль удасканальвае іранскія Shahed, робячы іх хутчэйшымі і больш смяротнымі.

Акрамя таго, РФ развівае тэхналогіі беспілотнікаў, якімі кіруюць праз аптычна-валаконны кабель, і іх немагчыма заглушыць.

Ва Украіне таксама ствараюць падобныя мадэлі, аднак расейцы пачалі вытворчасць раней і атрымалі падтрымку з Кітая.

Украінскія інжынеры адзначаюць: гэта пастаянная гонка інавацый, якая ператварае вайну ў «навукова-фантастычную бітву машын». Паводле іх звестак, ужо 80% удараў на фронце наносяць дроны.

Журналісты Sky News робяць выснову: той, хто атрымае перавагу ў беспілотнай вайне ва Украіне, будзе мець яе і ў будучых глабальных канфліктах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]