Bloomberg: Індыя скароціць закупкі расейскай нафты праз мыты ЗША

у найбліжэйшыя тыдні.

Нафтаперапрацоўчыя заводы Індыі, якія ўваходзяць у лік найбуйнейшых пакупнікоў расейскай нафты, плануюць скараціць закупкі ў найбліжэйшыя тыдні.

Пра гэта паведамляе Bloomberg.

Як адзначае агенцтва, гэта частковая саступка Вашынгтону на фоне ціску і будучага падвышэння мытаў ЗША. У той жа час Індыя сігналізуе, што не мае намеру разрываць сувязі з Масквой.

Са звестак крыніц, дзяржаўныя і прыватныя перапрацоўнікі, уключаючы Reliance Industries, будуць закупляць ад 1,4 да 1,6 млн барэляў за дзень з кастрычніка. Для параўнання, у першай палове года сярэдні аб’ём складаў 1,8 млн барэляў за дзень.

Індыя толькі трохі скараціць закупкі расейскай нафты праз мыты ЗША, — Bloomberg

Ціск ЗША і мыты

Адміністрацыя Дональда Трампа імкнецца скараціць гандлёвы дэфіцыт з Індыяй і ўзмацніла ціск на энэргетычныя сувязі краіны з Расеяй. Падваенне амерыканскіх мытаў да 50% уваходзіць ў дзеянне 27 жніўня.

Крыніцы адзначаюць, што аб’ёмы закупак могуць змяніцца, калі Індыя дойдзе да гандлёвай дамовы з ЗША. Гэта таксама залежыць ад таго, ці аслабіць Вашынгтон ціск на Індыю за фінансаванне вайны Расеі супраць Украіны.

Рэакцыя кампаній і крытыка Вашынгтона

Міністэрства нафты Індыі, Reliance, Nayara Energy, а таксама дзяржаўныя кампаніі Indian Oil, Bharat Petroleum і Hindustan Petroleum не адказалі на запыты аб каментарыях.

З канца мінулага месяца Дональд Трамп адкрыта крытыкуе Індыю за рост закупак расейскай нафты. Да 2022 года яны былі мінімальнымі, а цяпер краіна закупляе 37% усяго экспарту нафты Масквы, паводле звестак Kasatkin Consulting.

Узмацненне ціску ЗША

Прадстаўнікі амерыканскай адміністрацыі таксама ўзмацнілі публічную крытыку на адрас індыйскіх нафтавых кампаній. Улады ЗША нацэліліся на найбуйнейшых энергетычных гульцоў краіны.

Міністэрства ўнутранай бяспекі ЗША ў панядзелак выдала праект паведамлення аб падваенні мытаў на індыйскі імпарт да 50%. Новыя правілы ўвойдуць у дзеянне з 27 жніўня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]