У Беларусі затрымалі топ-мэнэджара буйнага дзяржпрадпрыемства

Ён нібыта «браў хабар мільёнамі».

Паводле падазрэння ў карупцыі затрыманы першы намеснік дырэктара — галоўны інжынер вялікага дзяржаўнага прадпрыемства, паведамілі ў МУС.

Кампанія, у якой працаваў фігурант, забяспечвала «вытворчыя патрэбы вядучых аўтавытворцаў нашай краіны і найбліжэйшага замежжа».

«У 2021 годзе пры атрыманні хабару быў затрыманы адзін з кіраўнікоў названага прадпрыемства. Пазней прызначаны на вакантную пасаду яго намеснік працягнуў супрацьпраўную дзейнасць папярэдніка, разлічваючы, што прынятыя ім меры канспірацыі дапамогуць пазбегнуць адказнасці. Аднак адключэнне мабільных тэлефонаў, абмеркаванне злачынных планаў і атрыманне хабару па-за межамі краіны не дапамаглі», — расказалі ў МУС.

На месцы жыхарства падазраванага былі выяўленыя і канфіскаваныя грошы і матэрыяльныя каштоўнасці.

«Сума незаконнага ўзнагароджання вылічваецца мільёнамі расейскіх рублёў», — адзначылі ў МУС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]