Лукашэнку зняважылі яшчэ больш

Гэта ж наколькі благую славу трэба мець!

Паведамлялася, што дэлегацыя пасольства Афганістана ў Маскве наведала Беларусь. Падчас візіту абмяркоўваліся ўмовы ўтрымання і рэпатрыяцыі афганскіх зняволеных, паведамляе выданне Ariana News.

Пра тое, якімі могуць быць рэпутацыйныя вынікі падобнага візіту, «Філін» пагаварыў з Валерыем Карбалевічам.

- Не выключаю, што сапраўды мэтай візіту была ацэнка ўмоў утрымання сваіх зняволеных, грамадзян Афганістана, - адзначыў Валер Карбалевіч. - І гэта вельмі сімптаматычны прыклад.

Зразумела, калі вызвалення з беларускіх турмаў сваіх грамадзян патрабуюць ЗША, Літва, Польшча, Швайцарыя, Ізраіль, Японія.

Але, высвятляецца, нават талібы сядзяць у зняволенні ў Беларусі. Гэта дзіўна, таму што кіроўная сіла «Талібан» у многіх краінах лічыцца тэрарыстычнай арганізацыяй, а сам Афганістан наогул знаходзіцца ў міжнароднай ізаляцыі.

Гэта значыць тут можна зрабіць выснову: Беларусь ператварылася ў нейкую чорную дзірку, у небяспечную зону. Грамадзяне кожнай краіны, якія трапляюць у нашу краіну, могуць апынуцца ў зняволенні. І нават грамадзяне Афганістана.

Гэта які рэзананс трэба мець у свеце, наколькі благую славу, што нават талібы, для якіх праблема правоў чалавека, мякка кажучы, знаходзіцца зусім не на першым месцы, раптам заклапаціліся лёсам сваіх грамадзян у беларускіх турмах.

Вось вельмі яркая ілюстрацыя да рэпутацыі, якую мае Беларусь у свеце, прычым не толькі на Захадзе, але, як высветлілася, і на Усходзе.

Таму не выключаю, што цяпер у Беларусь будуць прыязджаць розныя дэлегацыі і мэтай іх візітаў стануць не эканамічныя праекты, напрыклад, або палітычнае супрацоўніцтва, а абмеркаванне вызвалення грамадзян з беларускіх турмаў.

Па-мойму, усё гэта і сімвалічна, і знамянальна.

Калі ў пачатку года ў Афганістан ездзілі беларускія дыпламаты, многія задаваліся пытаннем, якімі могуць быць перспектывы ў дачыненні паміж Беларуссю і Афганістанам. Высвятляецца, самая важная, самая галоўная сфера ў супрацоўніцтве - гэта зняволеныя.

- А якія высновы можна зрабіць, калі паглядзець на гэты візіт у кантэксце беларуска-амерыканскага трэка?

- Іх сустракалі акурат таемна і ціха, беларускія ўлады нічога пра гэты візіт не паведамляюць. Знайсці інфармацыю можна толькі ў афганскіх крыніцах.

Але не думаю, што гэта праз беларуска-амерыканскі трэк. Проста беларускім уладам не вельмі зручна, што замежныя дэлегацыі прыязджаюць у Менск, каб вызваляць з турмаў сваіх грамадзян. Нават Талібы.

Відавочна, што рэпутацыя ў краіны, у якую едуць з такімі мэтамі, дрэнная. Таму беларускія ўлады пра гэта і замоўчваюць.

З запрашэннем Трампа візіт талібаў ніяк не перасякаецца, бо, наколькі я разумею, амерыканцы сышлі з Афганістана і гэтая тэма ім мала цікавая.

У адрозненне ад нядаўняга візіту прэзідэнт Ірана. Тут, можна сказаць, атрымалася нестыкоўка. У ЗША з Іранам стасункі вельмі напружаныя, і тут прэзідэнт Ірана прыязджае ў Беларусь на перамовы акурат у той момант, калі паралельна ідзе перамоўны працэс з ЗША.

Дысананс адчуваўся нават падчас перамоў, калі прэзідэнт Ірана казаў, што нам трэба разам процідзейнічаць санкцыйнай палітыцы ЗША, а Лукашэнку давялося заявіць, што «мы не сябруем супраць кагосьці». Акцэнты былі розныя, думаю, не выпадкова.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]