Якое надвор'е чакае беларусаў у апошні тыдзень лета

Прагноз ад вядомага сіноптыка.

Апошні тыдзень жніўня застаецца яшчэ адным шанцам на спякоту і сонца. Ці ўдасца як след выкупацца гэтым летам, расказаў у эфіры АНТ сіноптык Дзмітры Рабаў.

Прагнозы спецыяліста, зрэшты, не цешаць. З яго слоў, у перыяд з 25 да 31 жніўня сярэднядзённая тэмпература апусціцца ніжэй за адзнаку 15°С са знакам плюс, а гэта пачатак кліматычнай восені.

«Увесь тыдзень тэмпература паветра будзе на 2-5 градусаў ніжэйшай за кліматычную норму, ночы таксама будуць прыкметна халаднейшымі. Нібы на двары не жнівень, а верасень», - палохае Рабаў.

Акрамя таго, рэдкі дзень будзе абыходзіцца без дажджоў. На кароткачасовы ўсплёск цяпла можна спадзявацца толькі ў сярэдзіне тыдня - ды і то не ва ўсіх рэгіёнах.

А зараз раскажам аб прагнозах сіноптыка больш падрабязна.

У панядзелак-аўторак на надвор'і адаб’ецца ўплыў атмасферных франтоў і вільготных паветраных мас з Балтыйскага мора. Гэта значыць, што амаль па ўсёй Беларусі пройдуць кароткачасовыя дажджы, удзень магчымыя і навальніцы.

Уначы чакаецца ад 6°С да 12°С. Удзень у панядзелак будзе ад 11°С на ўсходзе краіны да 23°С на паўднёвым захадзе, у аўторак - ад 15°С у Магілёве да 23°С у Берасці.

Папярэдне, у сярэдзіне і другой палове тыдня надвор'е будуць вызначаць кантрасныя атмасферныя франты. У большасці раёнаў чакаюцца дажджы - ад невялікіх да моцных.

Пераважная тэмпература ўначы ў сераду - ад 6°С да 11°С, удзень - 17...22°С.

Да чацвярга ж ёсць надзея крыху пагрэцца. Уначы будзе 7...13°С, а вось удзень у Берасцейскай вобласці чакаецца да 28°С. Праўда, вось у Гомельскай - усяго 17°С.

У пятніцу прагназуецца ад 13°С на паўночным усходзе да 21°С на паўднёвым усходзе.

У суботу і нядзелю чакаецца няўстойлівае і вільготнае надвор'е. Нікуды не падзенемся і ад кароткачасовых дажджоў, магчымыя нават навальніцы.

Уначы будзе ад 7°С да 14°С, у сярэдзіне дня ў суботу - ад 11°С у паўночнай палове краіны да 24°С на паўднёвым захадзе, у нядзелю ад 11°С на поўначы да 19°С на поўдні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]