Прыхільнікі Крамля, якія надумалі перасяліцца ў Расею, масава скардзяцца

Многіх выдвараюць назад.

Прарасейскай блогерцы Аліі Талстых, якая пераехала ў Пецярбург з Казахстана, давялося даводзіць, што яе дзеці маюць права паступіць у школу. Відэа аб бюракратычных цяжкасцях рэлаканткі набрала ў TikTok блізу трохсот тысяч праглядаў, паведамляе «Эхо».

У публікацыях блога «Руская Казашка» ў Telegram Талстых рэгулярна хваліць Расею і пуцінскую палітыку, а таксама выказвае ксенафобныя меркаванні, накіраваныя супраць жыхароў Цэнтральнай Азіі. Акрамя таго, блогерка знаходзіцца ў арганізацыі нацыяналістаў «Руская абшчына».

Тым не менш, выявілася, што для залічэння дзяцей Талстых у школу адміністрацыя павінна дачакацца пастановы з МУС, каб пераканацца ў законнасці іх знаходжання ў краіне і ў праве на атрыманне адукацыі. Гэтая праверка стала вынікам антымігранцкіх пастаноў расейскіх уладаў. Дарэчы, летась увайшоў у дзеянне закон аб забароне прымаць у школы дзяцей замежнікаў, калі тыя не прайшлі тэставанне на веданне расейскай мовы.

З бюракратычнымі цяжкасцямі сутыкаюцца і этнічныя расейцы, расказвае праўладны тэлеканал «Царьград». Напярэдадні ён апублікаваў сюжэт пра грамадзяніна Нямеччыны расейскага паходжання, які чатыры гады таму надумаў вярнуцца на радзіму з Еўропы. Мужчына пражыў у Калінінградзе больш за чатыры гады, пасля чаго яму анулявалі дазвол на жыхарства і далі 15 дзён на выезд з краіны.

Расейскія ўлады рэкламуюць пераезд у краіну для грамадзян з Захаду, аднак праект стварэння пад Масквой «амерыканскай вёскі» праваліўся. Па дадзеных прэсы, там пасяліліся толькі дзве сям'і, адна з якіх фактычна распалася, калі бацьку сямейства падманам адправілі на вайну з Украінай.

Таксама расійская прапаганда расказвае пра плюсы пераезду ў Расію для грамадзян былога СССР. Для іх ва Уладзімірскай вобласці будуюць прыватны горад Дабраград, праўда, гэты праект таксама адчувае цяжкасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]