У касцёле Браслава знікла польская мемарыяльная таблічка

Беларускія ўлады працягваюць чыстку памяці.

У касцёле Браслава знікла польская мемарыяльная таблічка. Гэта заўважылі 23 жніўня ўдзельнікі ўрачыстасці ў санктуарыі Віцебскай дыяцэзіі Марыі Уладычыцы Азёраў у Браславе, паведамляе katolik.life.

Таблічка вісела на сцяне касцёла з 2009 года. Тады яе прывезлі з Польшчы і ўстанавілі ўдзельнікі паломніцтва з Варшавы, сябры польскай Нацыянальнай асацыяцыі браслаўчан (Krajowe Stowarzyszenie Brasławian) — ураджэнцы Браслаўшчыны і іх нашчадкі.

Гранітная таблічка мела надпіс на польскай і беларускай мовах:

"У памяць палякаў, якія аддалі Браслаўскай зямлі і Рэчы Паспалітай сваю працу, барацьбу і жыццё".

Як мяркуюць вернікі, указанне зняць таблічку маглі даць мясцовыя ўлады. Але калі такое рашэнне было прынята ў самой парафіі для падстрахоўкі, то такая самацэнзура выглядае абсурднай, уважаюць вернікі.

Знікненне ў касцёлах мемарыяльных прадметаў, якія не адпавядаюць цяперашняй дзяржаўнай ідэалогіі (у гонар Пілсудскага, Варшаўскай бітвы, Арміі Краёвай) стала тэндэнцыяй (прыклады - помнік у Вайстоме, фрэска ў Солах), але таблічка ў Браславе не мела канкрэтнага палітычнага сэнсу. Яна не змяшчала згадак ворагаў камуністаў ці непрыемных для беларускай дзяржавы момантаў.

Відаць, сам факт наяўнасці польскай мовы і герба стаў прычынай знікнення таблічкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]