Менскіх школьнікаў прымусяць пісаць тлумачальныя праз мабільныя тэлефоны

Вар'яцкія выдумкі Мінадукацыі.

Менскія школьнікі будуць пісаць тлумачальную, калі ў іх знойдуць тэлефон падчас урокаў, распавялі ў тэлеграм-канале «Настаўнікі сталіцы». Менавіта там, нагадаем, даюцца адказы на пытанні ад бацькоў аб актуальных пытаннях, якія паступілі ў чат-бот Камітэта адукацыі Менгарвыканкама, заўважыла «Комсомолка».

«Скажыце, што будзе з дзіцем, калі ў яго знойдуць тэлефон падчас урокаў?» - такое пытанне паступіла ў чат-бот.

У адказе сказана, што пры аднаразовым парушэнні Правілаў карыстання мабільнымі прыладамі, «навучэнец павінен напісаць тлумачальную запіску з указаннем прычыны парушэння». А класны кіраўнік (альбо настаўнік) зробіць запіс у дзённік школьніка.

А вось пры паўтарэнні такога парушэння тэлефон у навучэнца адбіраюць. А далей парадак дзеянняў такой:

«Ва ўстанову адукацыі запрашаюцца бацькі (законныя прадстаўнікі), і пасля гутаркі з дырэктарам (чальцамі адміністрацыі) ім вяртаецца прылада мабільнай сувязі (інтэрнэт-сувязі)».

Удакладняецца, што на навучэнца пры гэтым накладуць спагнанне. Вызначаць яго будзе дырэктар канкрэтнай установы адукацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]