«Лукашэнку больш балюча»

Што стаіць за ўдарамі па «Дружбе».

Ва Унечы Бранскай вобласці ўвечары 21 жніўня разгарэўся маштабны пажар на найбуйнейшым вузле нафтаправода «Дружба» - нафтаперапамповачнай станцыі «Унеча». І зноў пасля ўдару дронамі.

Да гэтага ўночы 13 жніўня ўкраінскія беспілотнікі таксама атакавалі «Унечу». А 18 жніўня, УСУ ўдарылі па Мікольскай нафтапомпавай станцыі ў Тамбоўскай вобласці. Адзначым, што па «Дружбе» атрымліваюць нафту і беларускія НПЗ.

Ці быў удар па «Дружбе» сігналам Лукашэнку ад Украіны? Пра гэта сайт Charter97.org пагаварыў з беларускім палітолагам Анатолем Котавым:

- Гэта ўсё ж такі ўдар па расейскай інфраструктуры на расейскай тэрыторыі, таму, у тэорыі, больш балюча за ўсё павінна быць Расеі, для якой «Дружба» дагэтуль з'яўляецца адным з асноўных экспартных маршрутаў на Захад — у краіны, якія ўсё яшчэ купляюць расейскую нафту.

Для Лукашэнкі гэта ўдар па датычнай, але больш адчувальны, чым для Расейскай Федэрацыі. Больш адчувальны, бо іншых буйных маршрутаў паставак нафты ў Беларусь за гады яго кіравання так і не створана. Нафтаправод «Дружба» — адна з яго галінак - застаецца асноўным каналам пастаўкі больш за 70% аб'ёмаў нафты для перапрацоўкі на беларускіх НПЗ.

Таму, нягледзячы на тое, што ўдар быў нанесены па датычнай і не на тэрыторыі Беларусі, Лукашэнка, як ні парадаксальна, пацерпіць ад яго больш за ўсіх. Адзіны спосаб замяніць пастаўкі нафты - гэта чыгуначны транспарт, які мае абмежаваныя магчымасці і нашмат даражэй у параўнанні з перапампоўкай па трубе. Усе альтэрнатыўныя маршруты, якія калісьці прапрацоўваліся, былі звязаныя з пастаўкамі нафты ў парты — альбо Балтыкі, альбо Украіны. Цяпер гэтай альтэрнатывы няма. Хоць удар наўпрост па Лукашэнку не наносіўся, яму ад яго больш балюча.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]