ЗША могуць накіраваць ва Украіну сваіх пілотаў

У рамках гарантый бяспекі.

ЗША далі зразумець, што гатовыя адыграць абмежаваную ролю ў наданні Украіне гарантый бяспекі ў выпадку прыняцця мірнага пагаднення з Расеяй. Патэнцыйна амерыканскія пілоты могуць удзельнічаць у місіях падтрымкі ўкраінскіх сіл у паветры.

Аб гэтым паведамляе CNN, спасылаючыся на крыніцы, знаёмыя з перамовамі з партнёрамі.

Са слоў суразмоўцаў, прэзідэнт ЗША Дональд Трамп выключыў размяшчэнне амерыканскіх войск на ўкраінскай зямлі, аднак ЗША і іх хаўруснікі разглядаюць шэраг іншых варыянтаў.

21 жніўня дзяржсакратар ЗША Марка Рубіё пацвердзіў еўрапейскім партнёрам, што Амерыка гатовая ўдзельнічаць у гарантыях бяспекі для Украіны пасля заканчэння вайны. У той жа час ён падкрэсліў, што лідарства ў гэтым пытанні павінна браць на сябе Еўропа.

Раней прэзідэнт Украіны Уладзімір Зяленскі заяўляў, што пасля перамоў у Вашынгтоне з Трампам і еўрапейскімі лідарамі пачалася праца над канкрэтным зместам будучых гарантый бяспекі для Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]