Калас: Расея не імкнецца да міру, а проста цягне час
5- 22.08.2025, 12:43
- 2,730
ЕЗ і ЗША павінны выкарыстоўваць санкцыі і мыты для ціску на Маскву.
Высокая прадстаўніца Еўрапейскага Звязу ў пытаннях замежных спраў і палітыкі бяспекі Кая Калас заявіла, што Расея не хоча міру, а таксама абвінаваціла кіраўніка Крамля Уладзіміра Пуціна ў тым, што ён не выконвае ніякіх абяцанняў, піша The Guardian.
Калас заявіла, што Пуцін проста смяецца - не спыняе забойствы, а наадварот, узмацняе бамбаванне Украіны.
"Вы бачыце, што еўрапейцы, украінцы, амерыканцы хочуць міру і прыкладаюць усе дыпламатычныя намаганні для яго дасягнення, тады як Расея проста цягне час, і відавочна, што Расея не хоча міру”, – падкрэсліла яна.
Яна таксама заклікала ЕЗ і ЗША ўзмацніць санкцыі і мыты супраць Расеі.
"Цалкам відавочна, што Пуцін не выканаў ніводнага з абяцанняў, якія яму далі дагэтуль, і мы павінны ставіцца да гэтага адпаведна, але [мы] таксама [павінны] прыкласці ўсе намаганні, каб прымусіць яго сесці за стол перамоў”, – адзначыла высокая прадстаўніца ЕЗ.
Яна падкрэсліла, што ЕЗ мае для гэтага розныя інструменты.
"Амерыканцы маюць вагары ўплыву ў выглядзе санкцый або мыт, каб прымусіць Расею сесці за перамовы. Мы працуем над 19-м пакетам санкцый з еўрапейскага боку, каб сапраўды ціснуць на Расею, якая з'яўляецца агрэсаркай у гэтай сітуацыі”, – сказала яна.
Калас таксама мяркуе, што Пуцін атрымаў тое, што хацеў ад саміту з прэзідэнтам ЗША Дональдам Трампам на Алясцы, атрымаўшы не толькі фатаграфію з прэзідэнтам ЗША, але значна больш – сардэчны прыём у Амерыцы.
“І потым ён таксама хацеў, каб санкцыі не былі ўведзеныя, чаго ён таксама дамогся. Таму я думаю, што цяпер яго цікавасць знізілася, бо ён дасягнуў таго, чаго хацеў ад гэтай сустрэчы”, – дадала Калас.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
