У Беларусі на паўгода абмяжуюць вываз яблыкаў з краіны

Новы дэфіцыт?

Беларусь з 1 верасня 2025 года на шэсць месяцаў уводзіць ліцэнзаванне вывазу яблыкаў, адпаведную пастанову падпісаў прэм'ер-міністр Аляксандр Турчын, паведамляе «Салідарнасць».

Пастанова прынятая ў мэтах забеспячэння ўнутранага рынку яблыкамі ў міжсезонны перыяд у поўным аб'ёме.

- Вываз гэтай прадукцыі незалежна ад краіны яе паходжання за межы Беларусі будзе ажыццяўляцца з разавымі ліцэнзіямі, якія выдаюцца МАРГ паводле ўзгаднення з Мінсельгасхарчам, аблвыканкамамі і Менскім гарвыканкамам, — гаворыцца ў пастанове ўрада.

Пастанова аб магчымасці выдачы такой ліцэнзіі будзе прымацца ўпаўнаважанымі органамі зыходзячы з ацэнкі прапорцыі свабодных рэсурсаў гэтай прадукцыі ў Беларусі і патрэбнасці краіны ў ёй на момант узгаднення ліцэнзіі, удакладняюць у Саўміне.

Нагадаем, што ўлады рэгулярна ўводзяць забароны на вываз розных відаў тавараў. Так, у кастрычніку 2024-га было ўведзенае ліцэнзаванне на вываз з краіны капусты, цыбулі і яблыкаў.

Тады гэта было выклікана розніцай у закупачных цэнах у Беларусі і Расеі, куды і вывозілася гародніна і садавіна.

У снежні таго ж года надышла чарга бульбы, у тым ліку замежнага паходжання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]