Reuters: Пуцін выставіў новыя ўмовы Украіне, якія падаў як «саступкі»

Кіеў адхіліў такія «прапановы».

Кіраўнік Расеі Уладзімір Пуцін выставіў новыя ўмовы для спынення вайны. Ён патрабуе, каб Украіна цалкам адмовілася ад Данбаса, ад уступлення ў NATO, замацавала нейтральны статус і гарантавала адсутнасць заходніх войскаў на сваёй тэрыторыі. Пра гэта піша Reuters са спасылкай на тры крыніцы, знаёмыя з абмеркаваннямі ў Крамлі на вышэйшым узроўні.

Са слоў крыніц, наўзамен Расея гатовая замарозіць цяперашнія лініі фронту ў Запарожскай і Херсонскай абласцях і нават вярнуць невялікія адцінкі Харкаўскай, Сумскай і Днепрапятроўскай абласцей Украіны, якія яна цяпер кантралюе. Гэтыя ўмовы Пуцін абмяркоўваў з амерыканскім прэзідэнтам Дональдам Трампам 15 жніўня на саміце ў Анкарыджы, які стаў першай сустрэчай лідараў Расеі і ЗША за апошнія чатыры гады.

Паводле звестак суразмоўцаў, Пуцін змякчыў свае ранейшыя ўмовы - раней ён намашаў на поўнай перадачы Расеі чатырох абласцей Украіны, уключаючы Херсонскую і Запарожскую. Аднак ключавым для замірэння застаецца патрабаванне поўнага сыходу Украіны з Данецкай і Луганскай абласцей.

Кіеў адхіліў такія прапановы. Прэзідэнт Украіны Уладзімір Зяленскі заявіў, што Данбас з'яўляецца стратэгічнай лініяй абароны, а адмова ад яго непрымальная. Акрамя таго, курс на ўступленне ў NATO замацаваны ў Канстытуцыі Украіны, і, са слоў Зяленскага, Масква не мае права патрабаваць адмовіцца ад яго.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]