Зяленскі: Пуцін спрабуе саскочыць з неабходнасці праводзіць сустрэчу

Удар Расеі па амерыканскім заводзе Flex у Мукачава паказальны і мэтанакіраваны.

Удар Расеі па амерыканскім заводзе Flex у Мукачава паказальны і мэтанакіраваны. Так расейскі дыктатар Уладзімір Пуцін спрабуе саскочыць з неабходнасці праводзіць сустрэчу на ўзроўні лідараў.

Пра гэта паведамляе Charter97.org са спасылкай на вячэрні зварот прэзідэнта Ўкраіны Ўладзіміра Зяленскага.

Зяленскі зазначыў, што ў Мукачава расецы фактычна спалілі амерыканскае прадпрыемства, якое не было вайсковым аб'ектам.

Паводле яго слоў, гэта мэтанакіраваны ўдар менавіта па амерыканскай уласнасці і інвестыцыях ва Украіне.

“Вельмі паказальны ўдар. Як і ўвесь гэты масіраваны напад. Якраз калі свет чакае ад расейцаў дакладнага адказу адносна перамоваў аб заканчэнні вайны», - падкрэсліў прэзідэнт.

Ён адзначыў, што ёсць два фарматы на ўзроўні лідараў, у якіх рэальна дасягнуць прагрэсу. Двухбаковы фармат - Украіна і Расея. І трохбаковы - Украіна, ЗША і Расея.

Менавіта гэта абмяркоўвалі ў Вашынгтоне. Таксама Пуцін казаў пра гэта падчас тэлефоннай размовы з Трампам.

“Цяпер сігналы з Расеі проста, калі шчыра, непрыстойныя. Яны спрабуюць саскочыць з неабходнасці праводзіць сустрэчу. Яны не жадаюць сканчаць гэтую вайну. Яны працягваюць масаваныя напады супраць Украіны і вельмі жорсткія штурмы на фронце. І яшчэ і запускаюць ракеты па амерыканскім прадпрыемстве - як і па многіх іншых абсалютна цывільных нашых мішэнях ”, - адзначыў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]