Reuters: ЗША могуць закрыць неба над Украінай у якасці гарантыі бяспекі Кіеву

Падрабязнасці.

Знішчальнікі Вайскова-паветраных сіл (ВПС) ЗША могуць забяспечыць над Украінай беспалётную зону як адзін з варыянтаў пасляваенных гарантый бяспекі для краіны, якая ўжо 3,5 гады супрацьстаіць расейскай агрэсіі. "Паветраная" падтрымка з боку Вашынгтона можа змяшчаць вялікую колькасць сістэм супрацьпаветранай абароны (СПА). Пра гэта паведамляе Reuters са спасылкай на амерыканскіх вайскоўцаў, якія сумесна з еўрапейскімі калегамі падрыхтавалі варыянты дапамогі Украіне з задзейнічаннем сваіх узброеных сіл.

"Гэтыя варыянты будуць прадстаўленыя дарадцам ў нацыянальнай бяспецы кожнай краіны для належнага разгляду ў межах дыпламатычных намаганняў", – сказана ў заяве вайсковага ведамства ЗША. Сустрэчы паміж кіраўнікамі абарончых ведамстваў Штатаў, Фінляндыі, Францыі, Нямеччыны, Італіі, Вялікабрытаніі і Украіны прайшлі ў Вашынгтоне з аўторка, калі ў Белым доме адбыўся саміт у пытанні завяршэння вайны, па чацвер.

Афіцыйныя асобы краін-хаўруснікаў распрацоўвалі сцэнары вайсковай дапамогі Кіеву з улікам неабходнасці вызначыць, што будзе адначасова здзяйсняльна з вайсковага пункту гледжання і прыймальна для Крамля, адзначае Reuters. Адным з варыянтаў была адпраўка ва Украіну еўрапейскіх войскаў, але пад кантролем за міратворцамі з боку ЗША. Аднак Масква неаднаразова выступала супраць прысутнасці войскаў NATO ва Украіне.

19 жніўня ў інтэрв'ю Fox News прэзідэнт Дональд Трамп згадаў, што сярод гарантый бяспекі Кіеву, якія дасць Вашынгтон, можа быць і падтрымка амерыканскай авіяцыі. "Мы гатовыя дапамагчы ім ва ўсім, асабліва, мабыць, можна гаварыць пра паветраную падтрымку, таму што ні ў кога няма такіх магчымасцей, якія маем мы", - заяўляў кіраўнік Белага дома. Ён адзначаў, што пра чаленствеа Украіны ў NATO размова не ідзе.

The Times паведамляла, што прадстаўнікі еўрапейскіх краін падчас сустрэчы з кіраўніком Аб'яднанага камітэта начальнікаў штабаў ЗША генералам Дэнам Кейнам у сераду прапанавалі размясціць амерыканскія знішчальнікі F-35 у Румыніі, каб стрымаць Расею ад паўторнага ўварвання пасля дамоўленасці аб міры ва Украіне. У гэтай краіне NATO будуе сваю найбуйнейшую авіябазу ў Еўропе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]