МЗС Польшчы накіравала Расеі ноту пратэсту праз дрон, які заляцеў у краіну.

Дрон мог заляцець з Беларусі.

Міністэрства замежных спраў Польшчы 21 жніўня накіравала Расеі ноту пратэсту ў сувязі з дронам, які ўпаў напярэдадні ноччу на тэрыторыі краіны. Пра гэта паведамілі ў МЗС.

У заяве ведамства ўказваецца, што інцыдэнт - выбух беспілотнага лятальнага апарата - уяўляе сабой парушэнне Расеяй сваіх абавязацельстваў ў павазе суверэнітэту Польшчы, якія вынікаюць, у прыватнасці, з Дамовы паміж Польшчай і Расеяй "аб дружалюбным і добрасуседскім супрацоўніцтве і Канвенцыі аб міжнароднай грамадзянскай авіяцыі".

“Міністэрства расцэньвае тое, што адбылося, як чарговую наўмысную правакацыю з практыкі гібрыдных дзеянняў, якія прадпрымае Расея супраць Польшчы і іншых еўрапейскіх краін. Мы рашуча асуджаем усе дзеянні расейскага боку, якія ўяўляюць пагрозу грамадзянскаму насельніцтву, інфраструктуры і бяспецы паветранага руху”, - гаворыцца ў заяве знешнепалітычнага ведамства Польшчы.

Міністэрства замежных спраў запатрабавала ад расейскага боку "неадкладна прадставіць тлумачэнні наконт інцыдэнту, у прыватнасці, адносна абставін і прычын падзення беспілотнага лятальнага апарата на тэрыторыі Польшчы, а таксама інфармацыю аб мерах,якія прынятыя адпаведнымі органамі Расе, каб не дапусціць такіх сітуацый у будучыні".

"Мы заклікаем неадкладна спыніць любыя варожыя і правакацыйныя дзеянні супраць Польшчы і зноў заяўляем, што адказнасць за наступствы такіх інцыдэнтаў ляжыць выключна на расейскім баку", — запатрабавалі ў МЗС.

Там таксама падкрэслілі, што варожыя дзеянні Расеі супраць Польшчы "ажыццяўляюцца паралельна з яе ваеннай агрэсіяй супраць Украіны, якая прывяла да сотняў тысяч ахвяр і з'яўляецца грубым парушэннем міжнароднага права і асноўных гуманітарных прынцыпаў".

Нагадаем, раніцай 20 жніўня стала вядома, што ў Польшчы ўпаў і ўзарваўся неапазнаны аб'ект — ля мястэчка Асіны недалёка ад мяжы з Беларуссю і Украінай. Выявілі абгарэлыя металічныя і пластыкавыя абломкі. У выніку выбуху ў некалькіх дамах выбітыя шыбы.

Пазней МЗС Польшчы заявіла пра “чарговае парушэнне паветранай прасторы з усходу” — паводле яго слоў, у краіну заляцеў і ўзарваўся, “хутчэй за ўсё, вайсковы дрон”.

21 жніўня акруговы пракурор у Любліне Гжэгаш Трусевіч паведаміў, што вайсковы дрон, які ўзарваўся ў Асінах, хутчэй за ўсё, прыляцеў з боку Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]