Трамп параўнаў здымак сустрэчы з Пуціным са здымкам Ніксана і Хрушчова.

Прэзідэнт ЗША ўспомніў спрэчку Ніксана з Хрушчовым, якая ўвайшла ў гісторыю як « дэбаты ў кухні».

Прэзідэнт ЗША Дональд Трамп апублікаваў у сацсетцы Truth Social здымак з расейскім дыктатарам Уладзімірам Пуціным, зроблены на нядаўняй сустрэчы ў Анкарыджы на Алясцы. Калаж дапоўніў іншы здымак 1959 г., на якім віцэ-прэзідэнт ЗША Рычард Ніксан і першы сакратар ЦК КПСС Мікіта Хрушчоў.

На абодвух здымках амерыканскія палітыкі паказваюць пальцам у бок расейскіх калег. Другі здымак паказвае прыезд Ніксана ў Маскву. Здымак належыць фатографу Эліёту Эрвіту.

Паміж палітыкамі з ЗША і СССР у 1959 г. адбылася спрэчка перад адкрыццём амерыканскай гандлёвай выставы ў маскоўскіх “Сакольніках”.

Палітыкі спыніліся перад макетам амерыканскай кухні, дзе была прадстаўлена хатняя тэхніка - пральныя машыны, тостары і сокавыціскалкі. Там паміж палітыкамі адбылася слоўная спрэчка,якую назвалі " дэбаты ў кухні".

Хрушчоў сказаў, што савецкія грамадзяне шануюць важнейшыя рэчы, а не раскошу, і іранічна спытаў Ніксана, ці ёсць тэхніка, якая "кладзе ежу ў рот і прапіхвае яе ўнутр".

“Вы, амерыканцы, чакаеце, што савецкія людзі будуць уражаныя. Гэта ня так. Усе гэтыя рэчы ёсць у нашых новых кватэрах “, - сказаў Хрушчоў. Ніксан адказаў, што мэты здзівіць савецкіх грамадзян не было, арганізатары хацелі "прадэманстраваць наша права выбару", і што ўсе дамы не павінны быць пабудаваны аднолькава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]