Расея ўдарыла па амерыканскім заводзе вытворчасці электронікі

Высокатэхналагічная вытворчасць знаходзіцца ў Мукачаве.

Адна з цэляў расейскай начной атакі па Украіне — амерыканскі завод вытворчасці электронікі. Пра гэта заявіў кіраўнік МЗС Украіны Андрэй Сібіга.

«Сотні беспілотнікаў, гіпергукавых, балістычных і крылатых ракет былі накіраваныя на цывільную і энэргетычную інфраструктуру.

Адна з ракет трапіла ў буйны амерыканскі завод вытворчасці электронікі ў нашым заходнім рэгіёне, што прывяло да сур’ёзных пашкоджанняў і ахвяр. Гэта цалкам цывільны аб’ект, які не мае ніякага дачынення да абароны ці войска», — заявіў Сібіга.

Міністр адзначыў, што гэта не першая расейская атака на амерыканскія прадпрыемствы, нагадаўшы пра ўдар па офісах Boeing у Кіеве ў пачатку гэтага года.

Ён назваў гэта тэрорам у дачыненні да мірных людзей, прадпрыемстваў і нармальнага жыцця ў нашай краіне.

Украінскія тэлеграм-каналы паведамляюць, што пад удар трапіў завод Flex у горадзе Мукачаве.

Кіраўнік Закарпацкай абласной ваеннай адміністрацыі Міраслаў Білецкі паведаміў, што праз расейскі ўдар пацярпелі як мінімум 15 чалавек, агонь ахапіў плошчу блізу сямі тысяч квадратных метраў.

«У сувязі з маштабным пажарам, які ўзнік пасля ракетнага ўдару па прадпрыемстве ў Мукачаве, у паветры назіраецца значнае задымленне. Прадукты гарэння могуць быць шкоднымі для здароўя.

Прашу ўсіх жыхароў у ктрунку распаўсюджвання дыму закрыць вокны і дзверы, а таксама ўстрымацца ад выхаду на двор без патрэбы. Асаблівую ўвагу варта надаць дзецям, паджылым і тым, хто мае хранічныя хваробы дыхальных шляхоў.

Выратавальныя службы працуюць на месцы, сітуацыя пад кантролем», — напісаў Білецкі.

Flextronics з’яўляецца адным з найбуйнейшых кантрактных вытворцаў электронікі ў свеце і аб’ядноўвае больш за 100 заводаў у розных краінах. Ва Украіне кампанія працуе з 2002 года, лакалізаваўшы высокатэхналагічнае вытворчасць у Мукачаве.

Нагадаем, у ноч на 21 жніўня Расея масавана атакавала захад Украіны ракетамі і дронамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]