«Пуціна трэба даціскаць»
4- 21.08.2025, 9:55
- 5,926
Трамп ужо звузіў яму поле для манеўру.
Дырэктар Цэнтра процідзеяння дэзінфармацыі (ЦПД) Андрэй Каваленка пракаментаваў удар Расеі па Украіне ўночы ў чацвер, 21 жніўня, назваўшы яго «максімальна бязглуздай атакай».
Пра гэта ён напісаў у Telegram.
Са слоў Каваленкі, з вайсковага пункту гледжання такія атакі «не маюць ніякага сэнсу».
«У вайне Расея не пераможа, тыл не зломіць, на поле бою гэта не паўплывае. Проста жаданне забіваць і тэрарызавваць цывільнае насельніцтва. Зрэшты, зноў жа, гэта не паўплывае на вайну ніяк», - падкрэсліў ён.
У той жа час Каваленка адзначыў, што вайсковае кіраўніцтва РФ «увесь час прыносіць» расейскаму дыктатару Уладзіміру Пуціну «паперы» пра тое, што Украіна «хутка здасца», праз што ён ухваляе ўдары і зацягвае вайну, ухіляючыся ад развязання пытання з яе заканчэннем.
«Вядома, Пуціна трэба даціскаць. Таму што яго паводзіны карэктуецца выключна праз ціск. Трамп ужо звузіў яго поле для манеўру, трэба яшчэ папрацаваць. Інакш вось такія тупыя ўдары прадоўжацца», - падкрэсліў Каваленка.
Уначы акупацыйныя войскі запусцілі шахеды, крылатыя і балістычныя ракеты ва Украіну. Паведамлялася аб узлёце расейскіх бамбавікоў Ту і знішчальнікаў МіГ-31к. Выбухі чулі ў Луцку, Роўне, Львоўскай, Хмяльніцкай абласцях і ў Запарожжы.
У Мукачаве на Закарпацці праз ракетны ўдар узнік пажар на прадпрыемстве, пацярпелі 12 чалавек.
Па Запарожжы вораг таксама нанёс удар ракетамі, ёсць пашкоджанні на некалькіх аб'ектах прамысловай інфраструктуры.
У Львове ў выніку ўдару загінуў адзін чалавек, яшчэ два атрымалі раненні.
Паводле звестак паветраных сіл, войскі Расеі атакавалі Украіну 614 дронамі і ракетамі, супрацьпаветраная абарона абясшкодзіла 577 сродкаў нападу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
