«Страты расейцаў каласальныя, суадносіны - 1 да 30»

Летні наступ ператвараецца для войска РФ у «канвеер смерці».

Прасоўванне расейскага войска замарудзілася да мінімуму за лета: прарывы блакуе ўкраінская абарона, а страты РФ растуць.

Што адбываецца зараз на фронце? Пра гэта сайт Charter97.org пагаварыў з ваенным экспертам, судырэктарам праграм замежнай палітыкі і міжнароднай бяспекі Цэнтра Разумкова ў Кіеве Аляксеем Мельнікам.

- Стратэгічна сітуацыя на тэатры баявых дзеянняў не зведала кардынальных змен, і гэта фіксуецца як мінімум апошнія тры месяцы. Інтэнсіўнасць баёў з пачатку вясенне-летняй кампаніі застаецца вельмі высокай - амаль 180 баявых сутыкненняў штодня. Для разумення: у чэрвені іх было прыблізна 184, у ліпені - 186, а ў жніўні - 178. Гэта значыць, назіраецца некаторае зніжэнне, але яно не радыкальнае. Хутчэй можна казаць аб стабілізацыі. Гэта прыкмета таго, што рэсурсы РФ на зыходзе, а нарасціць тэмп наступлення не ўдаецца.

За апошнія два месяцы расейцы акупавалі каля 500 квадратных кіламетраў штомесяц. На першы погляд гэта вялікая тэрыторыя. Але калі расцягнуць яе ўздоўж фронту ў тысячу кіламетраў, выходзіць - усяго 500 метраў за месяц.

Што да страт войска РФ, яны застаюцца каласальнымі. Агулам - блізу 1000 чалавек на дзень. Расейцы актыўна ўжывалі тактыку мікраштурмавых груп: раней пасылалі 5-10 чалавек, зараз 2-5, спадзеючыся незаўважна пратачыцца праз украінскую абарону. Але ўзровень страт заставаўся вялізным.

Нядаўна я асабіста кантактаваў з байцамі адной з брыгад, якія трымаюць абарону Часава Яра ўжо больш за год. На закрытым мерапрыемстве яны распавялі, што суадносіны страт на гэтым адцінку фронту - адзін да трыццаці: на кожнага загінулага ўкраінскага жаўнера прыпадае 30 забітых расейцаў. Гэта рэальныя лічбы, пацверджаныя вайскоўцамі, без ніякага сэнсу іх перабольшваць.

Фактычна Расея проста «закідвае мясам» пазіцыі УСУ. Жаўнеры апісваюць, што групы ідуць адна за адной, па два-тры чалавекі, іх знішчаюць, праз паўгадзіны з'яўляюцца новыя. Гэта сапраўдны канвеер смерці - кошт расейскай тактыкі «паўзучага наступу».

- Ці паўплывалі перамовы Пуціна і Трампа на сітуацыю на фронце?

- Ніякіх прыкмет неадкладнага эфекту на полі бою няма і быць не можа. Раней Трамп намагаў на безумоўным замірэнні - без абмеркавання ўмоў. Зяленскі быў вымушаны пагадзіцца. Аднак пасля сустрэчы на Алясцы Трамп нечакана змяніў акцэнт. Пуцін фактычна перахітрыў яго, зрушыўшы фокус са спынення агню на падрыхтоўку ўсёабдымнай мірнай дамовы.

Такім чынам, дыпламатычны трэк ідзе сваім шляхам, але Расея працягвае баявыя дзеянні. Гэта дазваляе Пуціну пазбегнуць рызыкі жорсткіх крокаў з боку ЗША - санкцый, тарыфаў і іншых захадаў. У выніку замірэнне адкладзенае, а на фронце гэта ніяк не адбіваецца.

- Што адбываецца цяпер пад Пакроўскім і ў Сумскай вобласці, дзе УСУ паспяхова контратакуюць?

- Пад Пакроўскам быў прарыў расейскіх войск, але рушыла ўслед паспяховая контратака УСУ. Відавочна, што ва УСУ ёсць праблемы з дэфіцытам сіл і сродкаў, аднак гэта не навіна: Украіна з самага пачатку змагаецца з акупантам, які колькасна і тэхнічна перасягае.

Той прарыў расейцаў быў прымеркаваны да саміту на Алясцы. Крэмль хацеў паўтарыць сцэнар Менска-1 і Менска-2, калі ўкраінскія войскі апыналіся ў аблозе перад перамовамі, гэта Дэбальцава і Ілавайск. Але на гэты раз план праваліўся. Расейцы не змаглі ўвесці туды асноўныя сілы і развіць поспех. Украінскія рэзервы ліквідавалі выступ, пагроза была нейтралізаваная.

Гэта паказала, што пры ўсіх колькасных перавагах магчымасці РФ не бязмежныя. На парозе заканчэння летняй кампаніі Расея так і не змагла дабіцца стратэгічнага прарыву фронту.

Што тычыцца Сумскага кірунку - там сітуацыя стабілізаваная. Больш за тое, у апошніх заявах Пуціна мы ўжо не чуем пагроз «вось-вось захапіць Сумы». Выглядае, што публічна Крэмль адмовіўся ад гэтай ідэі. Украінскія сілы аднавілі кантроль над шэрагам населеных пунктаў і захоўваюць плацдарм на тэрыторыі Курскай вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]