Трамп расказаў, хто будзе плаціць за зброю для Украіны

Прэзідэнт ЗША таксама ўзняў тэму гарантый бяспекі для Кіева.

За амерыканскую зброю, якая пастаўляецца Украіне, будзе плаціць NATO, заявіў прэзідэнт ЗША Дональд Трамп на супольнай прэс-канферэнцыі з украінскім калегам Уладзімірам Зяленскім у Белым доме.

«Мы прадаем тэхніку NATO, а NATO – што робіць? Я не ведаю, якая ў вас дамоўленасць. Але я ведаю, што яны хочуць, каб у вас была гэтая тэхніка. Мы пастаўляем найлепшае абсталяванне ў свеце, і яны плацяць нам за яго», – сказаў ён, звяртаючыся да Зяленскага.

Украінскі прэзідэнт падзякаваў Еўропе за магчымасць набываць амерыканскую зброю праз NATO. Ён дадаў, што ёсць і іншыя праграмы, якія даюць магчымасць умацаваць украінскае войска. Прэзідэнт Украіны заявіў, што разглядае гэта як частку гарантый бяспекі.

Трамп падчас прэс-канферэнцыі расказаў, што на сённяшняй сустрэчы мае намер абмеркаваць гарантыі бяспекі Украіны. «Мы забяспечым ім вельмі добрую абарону, вельмі надзейную ахову. Гэта частка нашай працы. І людзі, якія нас чакаюць (еўрапейскія лідары, якія прыбылі ў Белы дом. – Заўв.), я думаю, яны нашы аднадумцы. Яны хочуць дапамагчы», – дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]