«Магчымасці Расеі на зыходзе»

РФ - гэта бензакалонка, якая вырабляе танкі.

Эксперты папярэджваюць, што магчымасці РФ на зыходзе, піша Financial Times (пераклад - сайт Charter97.org).

Са слоў Эліны Рыбаковай, віцэ-прэзідэнта Кіеўскай школы эканомікі і эксперта Інстытута сусветнай эканомікі Петэрсана, Захад быў занадта асцярожны ў санкцыях з прычыны залежнасці ад расейскіх энэргарэсурсаў. Таму Масква змагла выкарыстаць рост коштаў на нафту і газ для фінансавання вайсковай эканомікі.

“Расея ператварылася ў бензакалонку, якая вырабляе танкі. Толькі ў 2022 годзе прафіцыт рахунку бягучых аперацый перавысіў 230 млрд. даляраў, што дазволіла кампенсаваць страты ад замарожаных валютных рэзерваў і ўкласці сродкі ў вытворчасць зброі”, - адзначае Рыбакова.

Але прыкметы запаволення становяцца ўсё больш відочнымі. Цэнтральны банк Раеіі знізіў ключавую стаўку з 21% да 18% нягледзячы на высокую інфляцыю. МВФ прагназуе падзенне росту эканомікі: з больш чым 4% у 2023-2024 гадах да менш за 1% у бягучым годзе.

Галоўная праблема - абмежаваныя вытворчыя магутнасці. “Можна выпускаць толькі пэўную колькасць танкаў. У нейкі момант заканчваюцца людзі, інвестыцыі, абсталяванне. Тэхніка даражэе,але яе не становіцца больш”, - тлумачыць Рыбакова.

Беспрацоўе ў Расеі ўпала да рэкордных 2%, што, паводле слоў экспертаў, абсалютна нерэалістычна для краіны з яе структурнымі праблемамі. Гэта толькі падаграе інфляцыю і выклікае трывогу нават у расейскіх чыноўнікаў.

Эканамісты лічаць, што расейская мадэль накачкі ваеннай эканомікі за кошт экспарту сыравіны блізкая да мяжы. Доўгатэрміновыя перспектывы, на думку Рыбаковай, застаюцца змрочнымі для Крамля.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]