Колькасць прашэнняў аб прытулку ў ЕЗ скарацілася на траціну

У траўні ў краінах ЕЗ падалі першасныя прашэнні аб прытулку амаль 55,8 тысячы чалавек.

Колькасць першасных хадайніцтваў аб наданні прытулку ў Еўразвязе ў гадавых вылічэннях скарацілася амаль на траціну. У траўні прашэнні аб прытулку ў краінах ЕЗ падалі 54 780 чалавек - на 30% менш, чым у тым жа месяцы 2024 года, паведаміла ў панядзелак, 18 жніўня, Еўрапейскае статыстычнае ведамства Eurostat, адзначае «Нямецкая хваля».

Між тым у параўнанні з красавіком 2025-га колькасць хадайніцтваў ад бежанцаў упершыню за тры месяцы ўзрасла - у красавіку гэты паказчык склаў 48 935 прашэнняў або на 12% менш, чым у траўні.

Лідаруюць грамадзяне Венесуэлы і Афганістана

Больш за ўсё сярод просьбітаў прытулку ў траўні было грамадзян Венесуэлы (8085 першасных заяў), за імі ішлі выхадцы з Афганістана (4575), Бангладэш (3095) і Сірыі (2935). Найбольшая колькасць прашэнняў пададзеная ў Гішпаніі (12 755), Італіі (11 760), Францыі (9490) і Нямеччыне (8330). Тым самым колькасць першасных хадайніцтваў, пададзеных у ФРГ, зноў скарацілася.

У суадносінах да колькасці насельніцтва самы высокі паказчык колькасці першасных хадайніцтваў аб наданні прытулку зафіксаваны ў Грэцыі (30,3 заявы на 1000 жыхароў), Гішпаніі (26,0), Кіпры і Люксембургу (па 25,8).

За апошнія месяцы некалькі краін ЕЗ, асабліва Нямеччына, узмацнілі жорсткасць сваёй міграцыйнай палітыкі. Акрамя таго, скарачэнне колькасці хадайніцтваў аб прытулку звязанае з прыняццем у 2024 годзе новых правіл ЕЗ. Сярод іншага рэформа прадугледжвае змену працэдуры ўезду патэнцыйных бежанцаў на вонкавых межах Еўразвяза.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]