CNN: Еўропа зноў спрабуе паўплываць на Трампа

Лідары ЕЗ рыхтуюць адзіны фронт.

Еўропа спрабуе выпрацаваць адзіны падыход, які можна будзе агучыць прэзідэнту ЗША Дональду Трампу ў Вашынгтоне 18 жніўня. Аб гэтым гаворыцца ў аналізе сітуацыі ад тэлеканала CNN.

Еўрапейцы былі ўстрывожаныя, калі Трамп пасля сустрэчы з нелегітымным прэзідэнтам краіны-агрэсаркі Расеі Уладзімірам Пуціным адмовіўся ад прынцыпаў, узгодненых менш за тыдзень таму. Галоўны з іх палягаў у тым, што спыненне агню ва Украіне павінна папярэднічаць перамовам аб урэгуляванні.

Еўрапейцы не сталі пярэчыць яму публічна і паспрабавалі падкрэсліць пазітыўны момант - згоду Трампа на ўдзел ЗША ў гарантыях бяспекі для Украіны пасля ўкладання ўгоды, гаворыцца ў публікацыі.

Аднак, пакуль Трамп спяшаецца арганізаваць трохбаковы саміт з Пуціным і прэзідэнтам Украіны Уладзімірам Зяленскім, Пуцін не спяшаецца спыняць вайну. Ён не пайшоў ні на якія саступкі падчас сустрэчы на Алясцы, а Трамп не стаў на яго ціснуць. Таму Масква натхнёная вынікамі сустрэчы, піша CNN.

«Балтыйская васьмёрка» ўрадаў краін Паўночнай Еўропы зноў падкрэсліла: «Дасягненне справядлівага і трывалага міру патрабуе спынення агню і надзейных гарантый бяспекі для Украіны».

Перад тымі, хто будзе суправаджаць Зяленскага ў Авальны кабінет, стаіць незайздросная задача - паспрабаваць пераканаць Трампа ў еўрапейскіх прынцыпах, з якімі ён ужо пагадзіўся на мінулым тыдні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]