Эканоміка Расеі развальваецца

Усё ідзе на ваенныя замовы.

Расейская эканоміка трапіла ў глыбокі сістэмны крызіс, які прапаганда спрабуе замаскаваць «пазітыўнымі» паказнікамі. Ключавым чыннікам стаў рэзкі спад пакупніцкай здольнасці насельніцтва праз высокія адсоткавыя стаўкі, што паралізуе ўнутраны рынак.

Пра гэта паведамляе «РБК-Україна» са спасылкай на паведамленне Службы знешняй выведкі Украіны.

Як адзначае ўкраінская выведка, многія прадпрыемствы масава выпраўляюць супрацоўнікаў у неаплатныя адпачынкі або пераводзяць на няпоўны працоўны тыдзень, што прывяло да імклівага росту схаванага беспрацоўя.

Галіны ад вугальнай і чыгуначнай да аўтамабільнай прамысловасці вымушаныя звяртацца да ўладаў па фінансавую падтрымку, але вынікаў гэта не дае.

Бюджэтная сітуацыя дэманструе поўны крах фінансавага планавання. Толькі за ліпень дэфіцыт федэральнага бюджэту дасягнуў 1 трлн рублёў, пры тым, што на ўвесь год планавалася 1,2 трлн.

За паўтара месяца дэфіцыт вырас з зацверджаных 3,8 трлн да амаль 5 трлн рублёў, што стварае дадатковы інфляцыйны ціск, пра які адкрыта папярэджвае нават Цэнтрабанк.

Сітуацыя ўскладняецца тым, што эканоміка фактычна падзеленая на дзве часткі. Ваенна-прамысловы комплекс атрымлівае стабільнае фінансаванне і не залежыць ад высокіх ставак і дарагіх крэдытаў, жывучы за кошт дзяржаўных кантрактаў і авансаў.

Затое цывільны сектар – асноўны донар бюджэтных паступленняў – змушаны скарачаць вытворчасць і персанал, што яшчэ больш знясільвае ўнутраны рынак.

У выніку рэсурсная база краіны пераразмяркоўваецца на карысць вайны, у той час як вытворчасць спажывецкіх тавараў прыходзіць у заняпад.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]